1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا میں لیورکوزن کی پوزیشن کو خطرہ

جرمن قومی فٹ بال چیمپیئن شپ بنڈس لیگا کے 24ویں میچ ڈے کا آج آخری دن ہے۔ آج کا اہم مقابلہ بائرن میونخ اور ہیمبرگ کے درمیان ہو گا۔ میونخ کی ٹیم یہ میچ جیت کر بنڈس لیگا کے پوائنٹس ٹیبل پر ٹاپ پوزیشن حاصل کر سکتی ہے۔

default

کولون اور لیورکوزن کے کھلاڑی

بنڈس لیگا پوائنٹس ٹیبل پر اس وقت اوّل نمبر ٹیم بائر لیور کوزن ہے، جو ہفتہ کو، کولون کے خلاف میچ جیتنے میں ناکام رہی۔ دونوں ٹیمیں کوئی گول نہ کرسکیں اور مقابلہ بے نتیجہ رہا۔ تاہم اس کا زیادہ نقصان لیور کوزن کو ہوا۔ یہ میچ جیت کر وہ اپنی پہلی پوزیشن مزید مستحکم بنا سکتی تھی۔

Deutschland Fußball Bundesliga Sebastian Prödl

اتوار کو دو میچ کھیلے جا رہے ہیں

لیور کوزن کے پاس 50 پوائنٹس ہیں۔ بائرن میونخ 49 پوائنٹس کے ساتھ اس سے ایک ہی پوائنٹ پیچھے دوسرے نمبر پر ہے۔ جبکہ تیسرے نمبر پر 48 پوائنٹس کے ساتھ شالکے ہے۔

چوتھے نمبر پر ہیمبرگ اور پانچویں پر ڈورٹمنڈ ہے۔ چھٹی پوزیشن بریمن کے پاس ہے جبکہ ساتویں فرینکفرٹ کو حاصل ہے۔ آٹھویں نمبر پر شٹٹ گارٹ، نویں پر ہوفن ہائیم اور دسویں پر مائنز ہے۔

بنڈس لیگا کے حالیہ میچ ڈے میں ہفتہ کو کھیلے گئے میچز میں سے تین بے نتیجہ رہے۔ لیورکوزن اور کولون کے علاوہ بوخم اور نیورنبرگ کے درمیان میچ بھی بغیر کسی گول کے برابر رہا۔ جبکہ میونشن گلاڈباخ اور فرائی بُرگ کے درمیان میچ ایک ایک گول کی برابری پر اختتام پزیر ہوا۔ دیگر مقابلوں میں ہوفن ہائیم نے برلن کو صفر کے مقابلے میں دو گول سے شکست دی۔ بریمن نے مائنز کو ایک کے مقابلے میں دو گول سے ہرایا۔ شٹٹ گارٹ نے فرینکفرٹ کے خلاف میچ دو ایک سے جیت لیا۔ اتوار کو میچ ڈے کے آخری روز دو مقابلے ہو رہے ہیں۔

جمعہ کو اس میچ ڈے کا پہلا شالکے اور ڈورٹمنڈ کے درمیان ہوا۔ جو شالکے نے ایک کے مقابلے میں دو گول سے جیت لیا۔

رپورٹ: ندیم گل

ادارت: افسر اعوان

DW.COM