1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا: مائنز ساتویں میچ میں بھی کامیاب

جرمنی کی قومی فٹ بال لیگا بنڈس لیگا میں مائنز کی ٹیم نے ہفتہ کو کھیلے گئے میچ میں ہوفن ہائم کی ٹیم کو دو کے مقابلے میں چار گول سے شکست دے کر لیگ میں مسلسل ساتویں کامیابی حاصل کر لی ہے۔

default

اس سے قبل آج تک صرف کائزٹرزلاؤٹرن اور بائرن میونخ کی ٹیمیں ایسی ہیں، جو اس لیگ میں مسلسل سات میچوں میں کامیابی حاصل کر چکی ہیں۔

Fussball 1. Bundesliga Saison 10/11 FSV Mainz 05 1899 Hoffenheim

مائنز کی ٹیم کی یہ مسلسل ساتویں کامیابی ہے

ہفتہ کو ہوم گراؤنڈ پر ہوفن ہائم کی ٹیم کے خلاف مسلسل ساتویں کامیابی حاصل کرنے والی مائنز کی ٹیم میں زیادہ تر نوجوان کھلاڑی شامل ہیں۔ مائنز کے کوچ تھوماس ٹوخیل نے میچ کے بعد اپنے انٹرویو میں خوش قسمتی کو اپنی ٹیم کی کامیابی کا راز قرار دیا۔ انہوں نے کہا کہ ان کی ناتجربہ کار اور نوجوان کھلاڑیوں پر مشتمل ٹیم ہر میچ میں جیت کے بعد زیادہ پراعتماد ہوتی جا رہی ہے۔ انہوں نے کہا کہ گزشتہ ہفتے لیگ کی دفاعی چیمپیئن بائرن میونخ کو ایک کے مقابلے میں دو گول سے شکست دینے کے بعد مائنز کے کھلاڑیوں کے حوصلوں میں بہت اضافہ ہوا ہے۔

مائنز کا اگلا مقابلہ ہیمبرگ کی ٹیم سے ہے۔ اگر مائنز نے یہ میچ بھی جیت لیا، بنڈس لیگا میں مسلسل آٹھ کامیابیاں حاصل کرنے کا ریکارڈ اس نوجوان ٹیم کو حاصل ہو جائے گا۔ تاہم کوچ ٹوخیل نے کہا کہ وہ ریکارڈ سازی کے بجائے بہتر کارکردگی میں زیادہ دلچسپی رکھتے ہیں۔

’میچ کے دوران تو میں نے ریکارڈ کے بارے میں سوچا تک نہیں۔ میرے لئے یہ کوئی اہم بات نہیں ہے۔‘

انہوں نے کہا کہ ہوفن ہائم کی ٹیم نے سخت مقابلہ کیا تاہم وقفے کے بعد مائنز کی ٹیم نے ہوفن ہائم کے گول پر پے در پے حملے کر کے فتح اپنے نام کر لی۔

Fußball Bundesliga FC Bayern München gegen FSV Mainz 05

گزشتہ ہفتے مائنز نے بائرن میونخ کو بھی شکست دے دی تھی

ہفتہ کو کھیلے گئے دیگر میچوں میں نیوریمبرگ نے حیرت انگیز طور پر شالکے کو دو ایک سے شکست دے دی۔ مونشن گلاڈباخ اور وولفس برگ کا مقابلہ ایک ایک گول سے برابر رہا جبکہ ہیمبرگ نے کائزٹرزلاؤٹرن کو دو ایک سے ہرا دیا۔ ایک اور میچ میں فرائی برگ نے کولون کے خلاف تین دو سے کامیابی حاصل کی۔ ہفتہ کو کھیلے گئے میچوں کے بعد بنڈس لیگا کے پوائنٹس ٹیبل پر مائنز کی ٹیم اب تک کھیلے گئے اپنے تمام سات میچوں میں کامیابی کے بعد 21 پوائنٹس کے ساتھ لیگ کی ٹاپ ٹیم ہے۔ دوسرے نمبر پر ڈورٹمنڈ کی ٹیم ہے، جس نے اب تک چھ میں سے پانچ میچوں میں کامیابی حاصل کی ہے۔ ہینوور تیرہ پوائنٹس کے ساتھ لیگ میں تیسری پوزیشن پر ہے۔ فرائی برگ کے بارہ پوائنٹس ہیں اور وہ چوتھے نمبر پر ہے جبکہ بائر لیورکوزن اور ہوفن ہائم گیارہ گیارہ پوائنٹس حاصل کرنے کے بعد گول اوسط کی بنیاد پر بالترتریب پانچویں اور چھٹے نمبر پر ہیں۔

رپورٹ : عاطف توقیر

ادارت : ندیم گِل

DW.COM

ویب لنکس