1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا: دفاعی چیمپیئن ڈورٹمنڈ میچ ہار گیا

جرمن قومی فٹ بال لیگ بنڈس لیگا میں ہفتہ کو دفاعی چیمپئن ڈورٹمنڈ کی ٹیم کو شکست کا منہ دیکھنا پڑا۔ ڈورٹمنڈ کو ہوفن ہائم نے صفر کے مقابلے میں ایک گول سے ہرایا۔

default

ہفتہ کو دوسرے میچ ڈے کے دوسرے روز مجموعی طور پر سات مقابلے ہوئے۔ شالکے نےکولون کو ایک کے مقابلے میں پانچ، ہینوور نے نیورمبرگ کو ایک کے مقابلے میں دو اور مائنز نے بھی فرائی برگ کو ایک کے مقابلے میں دو ہی گولوں سے ہرایا۔ اس کے علاوہ مؤنشن گلاڈ باخ کا ششٹ گارٹ سے جبکہ ہیرتھا کا ہیمبرگ سے مقابلہ برابر رہا۔ ہفتے کو کھیلے گئے ساتویں اور آخری میچ میں میونخ کی ٹیم نے آخری لمحات میں گول کرکے وولفس برگ کے خلاف فتح حاصل کی۔

میونخ کے لیے برازیلین فٹ بالر لوئز گوسٹاؤ نے اضافی وقت میں گول کیا۔ یہ جیت میونخ کے لیے اس لیے بھی بہت ضروری تھی کیونکہ وہ پہلے میچ ڈے میں مؤنشن گلاڈ باخ جیسی قدرے کمزور ٹیم سے شکست کھا چکی ہے۔

2. Bundesliga VfL Wolfsburg vs.FC Bayern München FLASH Galerie

میونخ اور وولفس برگ کے میچ کا منظر

ہفتہ کو شکست کھانے والے ڈورٹمنڈ کی ٹیم کے نوجوان فٹ بالر ماریو گوئٹسے سابقہ مقابلوں میں شائقین سے بہت داد وصول کرچکے تھے۔ ہفتے کو البتہ ہوفن ہائم کے خلاف ان کا جادو نہ چل سکا۔ گوئٹسے نے اپنے کلب کی نمائندگی کرتے ہوئے ہیمبرگ اور پھر قومی ٹیم کی نمائندگی کرتے ہوئے برازیل کے خلاف کھیلے گئے میچ میں اچھی کارکردگی دکھائی تھی۔ ہوفن ہائم کے خلاف مجموعی طور پر ڈورٹمنڈ نے مناسب کھیل کا مظاہرہ کیا مگر جیت ان سے دور ہی رہی۔ میچ کا واحد گول ہوفن ہائم کے اسٹرائیکرSalihovic نے گول سے 30 میٹر کی دوری پر ایک فری کک کے ذریعے کیا۔

ڈورٹمنڈ کے کوچ یورگین کلوپ کا کہنا تھا کہ کھلاڑیوں نے بہت جان ماری مگر کھیل کے شروع میں کی گئی کچھ غلطیوں کے سزا ہار کی صورت میں ملی۔ ’’ہوفن ہائم نے بہت محنت کی، ہم ان سے بہت سیکھ سکتے ہیں مگر فی الحال شکست کی وجہ سے بہت برا محسوس ہو رہا ہے۔‘‘

بنڈس لیگا کے سلسلے میں اتوار کو کائزرس لاؤٹرن کا مقابلہ آؤگس بیرگ سے جبکہ بائر لیورکوزن کا مقابلہ ویردر بریمن سے ہوگا۔

رپورٹ: شادی خان سیف

ادارت: عدنان اسحاق

DW.COM