1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا: بائرن میونخ اور موئنشن گلاڈباخ کا میچ برابر

جرمنی کی قومی فٹ بال لیگ بنڈس لیگا میں مسلسل غیر تسلی بخش کارکردگی کا مظاہرہ کرنے والی دفاعی چیمپئن بائرن میونخ کی ٹیم لیگ چارٹ کی اٹھارہویں نمبر پر موجود ٹیم سے بھی نہ جیت پائی۔

default

ہفتے کے روز موئنشن گلاڈباخ کے خلاف بائرن میونخ کی ٹیم کا مقابلہ تین تین سے برابر رہا۔ میچ کے پہلے ہاف کے اختتام پر دو ایک سے برتری لئے ہوئے بائرن میونخ کی ٹیم کے خلاف موئنشن گلاڈباخ کی قدرےکمزور سمجھی جانے والی ٹیم نے ناقابل فراموش کھیل کا مظاہرہ کیا اور میچ اپنے حق میں کر لیا۔ بائرن میونخ اس حوالے سے خوش قسمت رہی کہ میچ کے 83 ویں منٹ تک موئنشن گلاڈباخ تین دو سے یہ میچ جیت رہی تھی تاہم 84 ویں منٹ میں فلیپ لاہم نے گول کر کے میچ پر موئنشن گلاڈباخ کی برتری ختم کر دی۔ اس میچ کے برابر ہوجانے کے بعد پوائنٹس ٹیبل پر گیارہ میچ کھیلنے کے بعد 16 پوائنٹس کے ساتھ بائرن میونخ کی ٹیم نویں پوزیشن پر پہنچ گئی ہے۔

Fußball Bundesliga VfL Borussia Mönchengladbach gegen Bayern München Flash-Galerie

موئنشن گلاڈباخ کی ٹیم کھیل کے دوسرے ہاف میں چھائی رہی

ہفتے کے روز کھیلے گئے ایک اور میچ میں لیگ چارٹ پر دوسرے نمبر پر موجود ٹیم مائنز نے فرائی برگ کے خلاف صفر کے مقابلے میں ایک گول سے شکست کے بعد کم از کم ایک دن کے لئے پوائنٹس چارٹس پر پہلی پوزیشن پر آنے کا موقع گنوا دیا۔

بنڈس لیگا کے پوائنٹس چارٹ پر اس وقت سرفہرست ٹیم ڈورٹمنڈ آج اتوار کو ہینوور کے خلاف اپنا میچ کھیلے گی۔

اس وقت بنڈس لیگا پوائنٹس چارٹ پر ڈورٹمنڈ اب تک کھیلے گئے دس میچوں کے بعد 25 پوائنٹس کے ساتھ پہلی جبکہ مائنز گیارہ میچوں میں 24 پوائنٹس کے ساتھ دوسری پوزیشن پر ہے۔ فرینکفرٹ کی ٹیم ہفتے کے روز وولفس برگ کو تین ایک سے شکست دینے کے بعد 19 پوائنٹس کے ساتھ تیسری پوزیشن پر آ گئی ہے۔ ہوفن ہائم کے اٹھارہ پوائنٹس ہیں اور وہ چوتھی پوزیشن پر ہے۔ لیورکوزن کی ٹیم کے بھی 18 پوائنٹس ہیں تاہم کم گول اوسط کی وجہ سے اس کی پوزیشن پانچویں ہے۔

Fußball Bundesliga SC Freiburg gegen FSV Mainz 05

مائنز کی ٹیم فرائی برگ سے اپنا میچ ہار گئی

آج اتوار کے روز ڈورٹمنڈ کا مقابلہ ہینوور سے ہو رہا ہے۔ لیورکوزن کی ٹیم کائزرز لاؤٹرن کے مدمقابل آ رہی ہے جبکہ بنڈس لیگا کے گیارہویں میچ ڈے کا آخری مقابلہ شٹٹ گارٹ اور ویردر بریمن کی ٹیموں کے مابین آج شام کو ہو رہا ہے۔

رپورٹ: عاطف توقیر

ادارت: امجد علی

DW.COM

ویب لنکس