1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا، اشٹٹ گارٹ کی شکست

بنڈس لیگا کے بارہویں میچ ڈے کے پہلے دن کھیلے گئے واحد میچ میں مائنز نے اشٹٹ گارٹ کی ٹیم کو ایک کے مقابلے میں تین گول سے شکست دے کر پوائنٹس ٹیبل پر پندرہویں پوزیشن حاصل کر لی ہے۔

default

مائنز اور اشٹٹ گارٹ کے مابین کھیلے گئے میچ کا ایک منظر

بنڈس لیگا یعنی جرمن فیڈرل فٹ بال لیگ کے رواں سیزن میں اچھے کھیل کا مظاہرہ کر رہی اشٹٹ گارٹ کی ٹیم کی شکست کو ’اپ سیٹ‘ قرار دیا جا رہا ہے۔ اشٹٹ گارٹ کے پاس ایک اچھا موقع تھا کہ وہ مائنز کو ہرا کر پوائنٹس ٹیبل میں دوسرے نمبر تک رسائی حاصل کرلیتی تاہم اب اس شکست کے بعد وہ اٹھارہ پوائنٹس کے ساتھ چھٹے نمبر پر ہی ہے۔

اس میچ میں اشٹٹ گارٹ کو مات دے کر مائنز نے رواں سیزن میں اگست کے بعد پہلی مرتبہ کامیابی حاصل کی ہے۔ مائنز نے ہوم گراؤنڈ کا بھرپور فائدہ اٹھایا اور اپنے شائقین کی داد وصول کرتے ہوئے اشٹٹ گارٹ کو کڑا وقت دیا۔ اگرچہ اشٹٹ گارٹ کے اسٹرائیکر کاکاؤ نے میچ کا پہلا گول کیا تاہم مائنز کے انتھونی اُوجا نے یہ برتری صرف تین منٹ تک ہی رہنے دی۔

Fußball, Saison 2011/12, 1. Bundesliga, 12. Spieltag, 1. FSV Mainz 05 - VFB Stuttgart

رواں سیزن میں مائنز نے اگست کے بعد پہلی کامیابی حاصل کی ہے

اس میچ میں مائنز کو ایک متنازعہ پنلٹی اسٹروک بھی ملا۔ میچ کے دوران ریفری کے کچھ متنازعہ فیصلوں کی وجہ سے میچ کے اختتام پر اشٹٹ گارٹ کے کھلاڑیوں نے احتجاج بھی کیا۔ تاہم کاکاؤ نے کہا کہ اشٹٹ گارٹ کو اس شکست کی ذمہ داری قبول کرنا چاہیے، ’ہم اس لیے نہیں ہارے کہ ریفری نے ہمارے خلاف فیصلے دیے بلکہ ہم اس لیے شکست سے دوچار ہوئے کیونکہ ہم اچھا نہیں کھیلے‘۔

اس وقت ٹیبل پر پہلے نمبر پر 25 پوائنٹس کے ساتھ میونخ کی ٹیم  ہے جبکہ دوسرے نمبر پر شالکے اور تیسرے پر ڈورٹمنڈ کی ٹیم ہے۔ دونوں نے بالترتیب اکیس اور بیس پوائنٹس حاصل کر رکھے ہیں۔

بارہویں میچ ڈے کے دوسرے دن یعنی آج ہفتہ کو مجوعی طور پر چھ میچ کھیلے جائیں گے جبکہ اتوار کو دو۔ ہفتہ کے دن دفاعی چیمپئن ڈورٹمنڈ اور وولفسبرگ کے مابین کھیلا جانے والا میچ اہم خیال کیا جا رہا ہے۔ رواں سیزن کی نمبر ایک ٹیم میونخ اتوار کو آوگسبرگ کے خلاف اپنا میچ کھیلے گی۔

رپورٹ: عاطف بلوچ

ادارت: حماد کیانی

DW.COM