1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بنڈس لیگا: آٹھویں میچ ڈے کا آغاز

جرمنی کی قومی فٹبال لیگ بنڈس لیگا کے آٹھویں میچ ڈے کا آغاز ہو گیا ہے۔ جمعے کے روز کھیلے جانے والے واحد مقابلے میں شالکے نے فرینکفرٹ کو دو کے مقابلے میں ایک گول سے شکست دے دی۔

default

پچھلے ہفتے شالکے کی ٹیم نے ڈورٹمنڈ کو شکست دی تھی

آٹھویں میچ ڈے میں ہفتے اور اتوار کے روز مزید آٹھ مقابلے ہوں گے۔ بائرن میونخ کا مقابلہ ایف سی کولون سے ہو گا۔ لیورکوزن کا میچ نیورنبیرگ سے جبکہ ہینوور کا مقابلہ فرائے برگ کی ٹیم سے ہوگا۔ بوخم اور وولفس برگ کی ٹیمیں مقابلہ کریں گی جبکہ ہوفن ہائم اور مائنز کی ٹیمیں آمنے سامنے ہوں گی۔ میونشن گلاڈباخ کی ٹیم کو ڈورٹمنڈ کی ٹیم کا سامنا کرنا ہے۔ شٹٹ گارٹ کی ٹیم بریمن کے مدمقابل ہوگی جبکہ ہیرتھا برلن کا مقابلہ ہمبرگ کی ٹیم سے ہوگا۔

پوائنٹس ٹیبل پر ہیمبرگ کی ٹیم اس وقت سترہ پوائنٹس کے ساتھ سرفہرست ہے۔ کم گولوں کے باعث دوسرے نمبر پر سترہ ہی پوائنٹس کے ساتھ لیورکوزن کی ٹیم ہے۔ شالکے کی ٹیم سولہ پوائنٹس کے ساتھ تیسری جبکہ ہوفن ہائم کی ٹیم 14 پوائنٹس کے ساتھ چوتھی پوزیشن پر ہے۔

بنڈس لیگا کے ساتویں میچ ڈے میں پوائنٹس ٹیبل پر کوئی تبدیلی رونما نہیں ہوئی تھی۔ ہیرتھا برلن، ایف سی کولون، نیورنبیرگ اور ڈورٹمنڈ کی ٹیمیں پوائنٹس ٹیبل پر انتہائی نیچے چلی گئی ہیں۔

رپورٹ : عاطف توقیر

ادارت: افسر اعوان