1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

بلیئر کا جلد اپنے عہدے سے مستعفی ہونے سے انکار

برطانیہ کی لیبر پارٹی میں یہ مطالبات زور پکڑ گئے ہیں کہ وزیرِ اعظم ٹونی بلیئر کو جلد از جلد اپنے عہدے سے مستعفی ہو جانا چاہیے۔ بلیئر کی طرف سے اپنا عہدہ چھوڑنے کی کسی قطعی تاریخ کا اعلان نہ کئے جانے کے خلاف احتجاج کے طور پر خارجہ امور کے اسٹیٹ سیکریٹری Tom Watson سمیت سات اسٹیٹ سیکریٹری آج اپنے اپنے عہدوں سے مستعفی ہوگئے۔ تاہم ٹونی بلیئر نے اِس طرح کے مطالبات کو مسترد کر دیا ہے۔

default

آج لندن میں برطانوی وزیر اعظم نے کہا کہ اِس طرح کے مطالبت کی بجائے لیبر پارٹی کو متحد ہو جانا چاہیے ورنہ خطرہ ہے کہ اُسے اپوزیشن میں بھی بیٹھنا پڑ سکتا ہے۔

روزنامہ The Sun اور The Times کی معلومات کے مطابق وزیرِ اعظم جولائی سن 2007ء میں اپنا عہدہ چھوڑ دیں گے۔ واضح رہے کہ بلیئر نے 2005ء میں اپنے دوبارہ انتخاب کے بعد اعلان کیا تھا کہ وہ اِس آئینی مدت کے دوران ہی مستعفی ہو جائیں گے۔

مستعفی ہو جانے والے اسٹیٹ سیکریٹریوں نے ایک خط میں بلیئر سے مطالبہ کیا ہے کہ وہ اپنا عہدہ چھوڑنے کی کسی قطعی تاریخ کا اعلان کریں۔