1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

بلوچ کلچر ڈے، سالانہ یوم ثقافت پر رنگا رنگ تقریبات

ہر سال کی طرح اس سال بھی دو مارچ کو پاکستان بھر میں بلوچ یوم ثقافت منایا جا رہا ہے۔ بلوچستان میں اس حوالے سے خصوصی تقریبات کا انعقاد کیا گیا ہے۔

Pakistan Deutschland Balochistan Abend im deutschen Konsulat in Karachi Tanz

کراچی میں اٹھارہ نومبر 2013ء کو ’ایک شام، بلوچستان کے نام‘ میں فنکار بلوچ رقص پیش کر رہے ہیں

پگڑی، روایتی چپل، خواتین کے رنگ برنگے کڑھائی والے ملبوسات اور بلوچ نوجوانوں کا خصوصی رقص، بلوچ ثقافت کے عکاس ہیں۔ اس بلوچ یوم ثقافت کی مناسبت سے کئی افراد نے سوشل میڈیا پر بلوچ ثقافت کے مختلف پہلوؤں کے حوالے سے تصاویر پوسٹ کی ہیں اور اپنے خیالات کا بھی اظہار کیا ہے۔

ٹوئٹر کی ایک صارف نے لکھا کہ بلوچ ثقافت میں شعراء اور مصنفوں کے ساتھ ساتھ ادبی ميلوں کو بھی اہم مقام حاصل ہے۔ ایک صارف نے بلوچستان کے خوبصورت علاقوں کا ذکر کیا۔

پاکستان کا سب سے کم ترقی یافتہ صوبہ بلوچستان کبھی ترقی و ثقافت کا گہوارہ رہا ہے اور بلوچستان کی قدیم تاریخ پر تحقیق میں مصروف ایک جرمن محقق اوتے فرانکے کہتی ہیں کہ وادیِ سندھ کی تہذیب بھی بلوچستان ہی کی مرہون منت رہی ہے۔

Pakistan Deutschland Balochistan Abend im deutschen Konsulat in Karachi Musik

بلوچ فنکار اٹھارہ نومبر 2013ء کو کراچی کے جرمن قونصل خانے میں منعقدہ ’ایک شام بلوچستان کے نام‘ میں اپنے فن کا مظاہرہ کر رہے ہیں

ٹوئٹر پر کچھ لوگوں نے بلوچستان کے خصوصی پکوانوں کو بھی اس پاکستانی صوبے کی ثقافت کا ایک اہم حصہ ٹھہرایا۔

فرنٹیئر کور بلوچستان کی جانب سے بلوچستان کے شہر دلبندین میں ایک میلے کا انعقاد کیا گیا ہے۔

کچھ افراد نے خصوصی بلوچ رقص کی بھی ویڈیوز شئیر کیں۔

اس دن کے موقع پر بلوچستان کے مقامی اور کچھ قومی ٹی وی چینلز نے بلوچ ثقافت کے حوالے سے خصوصی پروگرام دکھائے ہیں۔