1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

برٹش گراں پری ہیملٹن کے نام

برطانوی ڈرائیور لوئیس ہیملٹن نے برٹش گراں پری کا ٹائٹل اپنے نام کر لیا ہے۔ اپنے وطن میں ہونے والی موٹر ریسنگ فارمولا ون گراں پری میں انہوں نے مسلسل چوتھی مرتبہ کامیابی حاصل کی ہے۔

مرسیڈیز ٹیم کے اسٹار ڈرائیوار لوئیس ہیملٹن برٹش گراں پری کا ٹائٹل اپنے نام کرتے ہوئے رواں سیزن کے دوران پوائنٹس ٹیبل پر جرمن ڈرائیوار سباستیان فیٹل کے انتہائی قریب پہنچ گئے ہیں۔ رواں سیزن میں پوائنٹس ٹیبل پر پہلی پوزیشن پر براجمان فیٹل کے پوائنٹس 177 ہیں جب کہ اس ریس میں کامیابی کے بعد ہیملٹن کے پوائنٹس 176ہو گئے ہیں۔ فیٹل اس سیزن میں تین مرتبہ پہلی پوزیشن حاصل کرنے میں کامیاب ہوئے ہیں جب کہ فیٹل کی اس سیزن میں یہ چوتھی کامیابی ثابت ہوئی۔

چائنیز گراں پری، ہیملٹن نے بدلہ چکا دیا

فارمولا ون سیزن شروع: آسٹریلین گراں پری ریس فیٹل کے نام

جاپان گراں پری روزبرگ کے نام

اتوار کے دن سلور اسٹون کے سرکٹ پر منعقدہ فارمولا ون ریس میں کامیابی حاصل کرنے کے بعد ہیملٹن نے کہا کہ یہ ویک اینڈ ان کے لیے بہت عمدہ رہا۔ تین مرتبہ عالمی چیمپئن کا ٹائٹل اپنے نام کرنے والے ہیملٹن نے برٹش گراں پری میں پول پوزیشن حاصل تو کی ہی تھی لیکن حتمی ریس میں بھی انہوں نے کسی دوسرے ڈرائیور کو اپنے نزدیک تک آنے کا موقع نہ دیا۔

ہیملٹن کے کیریئر کی یہ 57 ویں کامیابی رہی۔ مجموعی طور پر مرسیڈیز ٹیم کے لیے برٹش گراں پری بہت اچھی ثابت ہوئی کیوں کہ ہیملٹن کے ساتھی ڈرائیور والٹری بوٹَس دوسری پوزیشن حاصل کرنے میں کامیاب ہوئے۔ فن لینڈ سے تعلق رکھنے والے بوٹس 154 پوائنٹس کے ساتھ رواں سیزن میں پوائنٹس ٹیبل پر تیسرے نمبر پر ہیں۔ برٹش گراں پری میں تیسری پوزیشن فیراری ٹیم کے فینش ڈرائیور کیمی رائکونین کو حاصل ہوئی۔

 

ہیملٹن نے ریس میں کامیابی کے بعد سلور اسٹون میں تقریب انعامات میں کہا کہ یہ بہت خوشی کی بات ہے کہ ان کی ٹیم پہلی دو پوزیشنوں پر کامیاب ہو گئی ہے۔ انہوں نے کہا کہ اس ریس میں ان کی کار نے ان کا بھرپور ساتھ دیا۔ اس موقع پر ہیملٹن نے اپنی تمام ٹیم کا شکریہ بھی ادا کیا۔ اس ریس میں جرمن ڈرائیور سباستیان فیٹل اور بوٹس دونوں کی کاریں پنکچر ہو گئی تھیں۔

اس سال چیمپئن کا اعزاز حاصل کون کرے گا، اس حوالے سے ہیملٹن اور سباستیان فیٹل کے مابین سخت مقابلے کی توقع کی جا رہی ہے۔ گراں پری کے سلسلے میں ایک ریس جیتنے والے ڈرائیور کو پچیس پوائنٹس ملتے ہیں جبکہ دوسرے نمبر پر آنے والے کو اٹھارہ اور تیسری پوزیشن حاصل کرنے والے ڈرائیور کو پندرہ پوائنٹس دیے جاتے ہیں۔

DW.COM