1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

مہاجرین کا بحران

برطانیہ : پناہ گزینوں کے لیے انگریزی لازمی کی جائے

ایک رپورٹ میں لندن حکومت کو یہ مشورہ دیا گیا ہے کہ برطانیہ آنے کے خواہش مند تارکین وطن کو چاہیے کہ وہ برطانیہ میں داخلے سے پہلے ہی انگریزی سیکھیں یا پھر برطانیہ میں زبان دانی کی کلاسز میں خود کو براہِ راست رجسٹر کرائیں۔

Spanien Madrid - Junge generation möchte auswandern (Getty Images/J. Juinen)

رپورٹ میں پیش کردہ تجاویز میں مہاجرین کے برطانیہ میں داخلے کے فوراﹰ بعد انضمام کے عمل سے آغاز کو مرکزی حیثیت حاصل ہے

برطانیہ میں کُل جماعتی پارلیمانی گروپ کی جانب سے سماجی انضمام پر جاری ہونے والی اس پہلی رپورٹ میں اقتصادی مہاجرت کے موضوع پر حکومت کو سفارشات پیش کی گئی ہیں۔ رپورٹ میں پیش کردہ تجاویز میں مہاجرین کے برطانیہ میں داخلے کے فوراﹰ بعد انضمام کے عمل سے آغاز کو مرکزی حیثیت حاصل ہے۔

 علاوہ ازیں انگریزی زبان کی سوجھ بوجھ کے فقدان اور برطانوی قوانین سے کم علمی کو رپورٹ میں انضمام کی راہ میں بڑی رکاوٹیں گردانا گیا ہے۔ اس رپورٹ میں مزید کہا گیا کہ اقتصادی مشکلات کی وجہ سے جاری ہجرت کے اس بہاؤ کا رخ  اگر آبادی اور معاشی صورتحال کو دیکھتے ہوئے مخصوص علاقوں کی جانب موڑ دیا جائے تو اس سے بھی مہاجرت کے حوالے سے  منفی تاثر کو زائل کرنے میں مدد مل سکتی ہے۔

رپورٹ میں یہ بھی کہا گیا ہے کہ حکومت کو اِس بات کا خیال رکھنا ہو گا کہ پوسٹ بریگزٹ امیگریشن پالیسیز بناتے وقت مزید سماجی تقسیم سے کیسے بچا جائے۔ قانون ساز چوکا امونا جو رپورٹ مرتب کرنے والے گروپ کے سربراہ بھی ہیں، کا کہنا ہے، ’’ملک میں مناسب سماجی انضمام کی سازگار  فضا پیدا کرنے میں حکومت کی ناکامی سے ایک ایسا خلاء پیدا ہو گیا، جس کا انتہا پسند اور نفرت کا پرچار کرنے والے ناجائز فائدہ اٹھا رہے ہیں۔

 

DW.COM