1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

برسلز حملے اسلامی تعلیمات کے خلاف ہیں، جامعہ الازہر

جامعہ الازہر کی جانب سے جاری بیان میں کہا گیا ہے کہ وہ برسلز میں دہشت گردانہ حملوں کی شدید الفاظ میں مذمت کرتے ہیں اور یہ حملے اسلامی تعلیمات کے منافی ہیں۔

مصر کے دارالحکومت قاہرہ میں واقع معروف الازہر یونیورسٹی نے بین الاقوامی برادری کو تاکید کی ہے کہ وہ دہشت گردی کے ناسور کا خاتمہ کریں۔ آج صبح یورپی یونین کے ہیڈ کوارٹر برسلز کے ایئر پورٹ اور میٹرو اسٹیشن پر دہشت گردانہ حملوں میں 34 افراد ہلاک ہو گئے تھے جب کہ میڈیا رپورٹس کے مطابق 100 سے زائد افراد ان حملوں میں زخمی ہوئے۔

جامعہ الازہر یونیورسٹی کی جانب سے جاری بیان میں مزید کہا گیا، ’’ اگر بین الاقوامی کمیونٹی دہشت گردی کے ناسور کے خاتمے کے لیے متحد نہیں ہو گی تو دہشت گرد معصوم افراد کے خلاف انتہائی خطرناک کاروائیاں جاری رکھیں گے۔‘‘

مصر کی وزارت خارجہ نے بھی ان حملوں کی مذمت کی ہے۔ مصر کی وزارت خارجہ کی جانب سے جاری بیان میں کہا گیا ہے، ’’ اب وقت آ گیا ہے کہ دنیا کو عالمی سطح پر ہونے والی دہشت گردی کا مقابلہ کرنا ہوگا۔ مصر کی وزارت خارجہ کے ترجمان نے اس حوالے سے کہا، ’’ اس مسئلے کا حل اقتصادی اور نظریاتی طور پر نکالا ہو گا اور کوشش کرنی ہوگی کہ دہشت گرد گروہ مزید افراد کو اپنی طرف مائل نہ کر پائیں۔‘‘

DW.COM