1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

برازیل: سیلاب سے متاثرہ علاقوں میں ملٹری پولیس تعینات

برازیل میں سیلاب اور مٹی کے تودوں سے متاثرہ جنوب مشرقی علاقوں میں اب لوٹ مار کا بازار گرم ہو گیا ہے، جس پر قابو پانے کے لیے وہاں ملٹری پولیس تعینات کر دی گئی ہے۔ مٹی تلے دبی لاشیں نکالنے کا عمل بھی تاحال جاری ہے۔

default

ریوڈی جنیریو کے آفت زدہ پہاڑی علاقوں میں امدادی کارکنوں کے ساتھ ساتھ جرائم پیشہ عناصر بھی پہنچ گئے ہیں، جنہوں نے لوٹ مار کا بازار گرم کر دیا ہے۔ حکام نے اس صورت حال پر قابو پانے کے لئے وہاں ملٹری پولیس تعینات کر دی ہے۔

Flash-Galerie Brasilien Dilma Rousseff Flut Erdrutsch

برازیل کی صدر متاثر علاقے کے دورے پر

دوسری جانب متاثرہ علاقوں سے مٹی تلے دبے افراد کو نکالنے کے لئے کارروائیاں تاحال جاری ہیں اور اب تک کم از کم 540 ہلاکتوں کی تصدیق کی جا چکی ہے۔ سیلاب اور مٹی کے تودے پھسلنے سے آنے والی اس آفت کو گزشتہ چار دہائیوں کی سب سے بڑی تباہی قرار دیا جا رہا ہے۔ وہاں اس سے قبل 1967ء میں بھی مٹی کے تودے گرنے سے بڑی تباہی آئی تھی اور اس وقت ہلاکتوں کی تعداد 437 رہی تھی۔

دوسری جانب امدادی کارروائیوں کے تناظر میں برازیل کی صدر ڈِلما روسیف نے متاثرین کے لیے 40 کروڑ ڈالرکی امداد جاری کرنے کا عندیہ دیا ہے۔

خیال رہے کہ سب سے زیادہ ہلاکتیں ریو ڈی جینیرو کی قریبی پہاڑیوں میں واقع آبادیوں میں ہوئیں۔ وہاں تباہی طوفانی بارشوں کے باعث مچی، جن کے نتیجے میں نشیبی آبادیوں پر مٹی کے تودے گرے جبکہ دریا بھی اُبل پڑے۔

ریو ڈی جنیرو کے شمالی علاقے سیرانا میں طوفانی بارشوں اور مٹی کے تودے پھسلنے سے آنے والی تباہی کا درست اندازہ بدھ کو ہوا تھا، جب کم از کم 237 ہلاکتوں کی تصدیق کی گئی۔ شہری دفاع کے مقامی ادارے کے سربراہ رابرٹو روباڈے نے میڈیا کو بتایا کہ مرنے والوں میں امدادی کارکنان بھی شامل ہیں۔

مرنے والوں کی تعداد میں بدھ کو ڈرامائی اضافہ ہوا ہے جبکہ متاثرہ علاقوں میں ٹیلی فون سسٹم اور سڑکوں کی تباہی کی وجہ سے اصل تباہی کی تصدیق میں دیر لگی۔ ریاستی سیکریٹری برائے ماحولیات کارلوس مِنک کا کہنا ہے کہ تیرےسوپولس کی تاریخ کی یہ سب سے بڑی تباہی ہے۔ اس علاقے کی آبادی ایک لاکھ 80 ہزار ہے اور اسے تاریخی اہمیت کا حامل علاقہ قرار دیا جاتا ہے۔

Austalien Überschwemmungen Hochwasser Toowoomba

شدید بارشوں کے باعث مختلف مقامات پر سڑکوں کو بھی شدید نقصان پہنچا ہے

تیرےسوپولس کے میئر یورگے ماریو کا کہنا ہے کہ صرف اسی علاقے میں ایک ہزار افراد بے گھر ہو گئے ہیں جبکہ درجنوں پل اور سڑکیں تباہی کا منظر پیش کر رہے ہیں۔ انہوں نے پہلے ہی ہلاکتوں میں اضافے کا خدشہ ظاہر کیا تھا۔

رپورٹ: ندیم گِل / خبر رساں ادارے

ادارت: عاطف توقیر

DW.COM

ویب لنکس