1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

بالی ووڈ اداکارہ دوران پرواز ہراساں، مقدمہ درج

اداکارہ زائرہ وسیم کو دوران پرواز مبینہ طور پر ہراساں کرنے کے الزام میں ممبئی پولیس نے مقدمہ درج کرتے ہوئے کاروائی کا آغاز کر دیا ہے۔

پولیس کے مطابق انھوں نے 17 سالہ زائرہ وسیم کو نئی دہلی سے ممبئی آنے والی پرواز میں جنسی طور پر ہراساں کرنے کے واقعے کی تحقیقات کا آغاز کرتے ہوئے وکاس سچدیو نامی مسافر کے خلاف رپورٹ درج کر لی ہے۔

فلم دنگل میں گیتا کے کردار سے مشہور ہونے والی اداکارہ نے سوشل میڈیا پر گذشتہ دنوں ایک ویڈیو جاری کی تھی جس میں ان کا روتے ہوئے کہنا تھا کہ جہاز میں ان کے پیچھے والی سیٹ کا ایک مسافر انہیں دوران پرواز ہراساں کرتا رہا، ’’ وہ بار بار اپنے پیروں سے میرے کندھے کو چھوتا رہا جبکہ میری گردن اور کمر پر بھی اپنے پاوں پھیرتا رہا۔ کیا اس طرح سے ہم اپنی خواتین کی حفاظت کرتے ہیں؟‘‘

کشمیر سے تعلق رکھنے والی اداکارہ زائرہ کی اس وڈیو کے منظر عام پر آنے کے بعد سوشل میڈیا پر ان کا نام ٹرینڈ ہونے لگا ۔ بھارت کے زیر اتنظام کشمیر کی وزیر اعلی محبوبہ مفتی اور سابق وزیر اعلیٰ عمرعبداللہ نے ٹوئٹر پر زائرہ کے ساتھ ہونے والے واقعے کی شدید مذمت کی ۔

China indischer Schauspieler Aamir Khan in Peking - Film Dangal (picture-alliance/Imaginechina/Niu Daqing)

زائرہ وسیم نے عامر خان کی فلم دنگل میں گیتا کا کردار ادا کیا تھا

اس واقعے پرعام افراد نے بھی اپنی ٹوئٹس کے زریعے زائرہ کے ساتھ ہونے والے اس واقعہ پرافسوس کا اظہار کیا

دوسری طرف بالی ووڈ سے بھی ان کے حق میں ٹوئٹ سامنے آئیں

اپنی آواز بلند کرنے پر زائرہ کو خاصی مخالفت کا سامنا کرنا پڑ رہا ہے۔ کئی لوگ ان کے ساتھ پیش آنے والے واقعے کے بارے میں اپنے شبہات کا اظہار بھی سوشل میڈیا پر کرتے رہے۔

ادھر ائیرلائین حکام کے مطابق انہوں نے پولیس اور ایوی ایشن حکام کو مشتبہ شخص کی تفصیلات فراہم کر دی ہیں۔ اس کے علاوہ ائیرلائن نے زائرہ کے ساتھ ہر طرح کا تعاون کرنے کا بتایا ہے۔ دوسری جانب مقامی میڈیا کی رپورٹس کے مطابق مبینہ ملزم سچدیو کی اہلیہ نے زائرہ پر الزام عائد کیا ہے کہ وہ صرف شہرت حاصل کرنے کے لیے ان کے شوہر پر الزام لگا رہی ہیں۔