1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

باربی گڑیا اُستوائی جنگلات کی تباہی کا باعث

تحفظ ماحول کی علمبردار تنظیم گرین پیس نے کھلونے تیار کرنے والے امریکی ادارے Mattel کو اُستوائی جنگلات کی لکڑی کے استعمال کی وجہ سے تنقید کا نشانہ بنایا ہے۔ یہ لکڑی گڑیا باربی اور گڈے کین کی پیکنگ میں استعمال ہوتی ہے۔

باربی کا گلابی گھر

باربی کا گلابی گھر

انڈونیشیا کے دارالحکومت جکارتہ میں گرین پیس کے ارکان نے الزام عائد کیا کہ یہ ادارہ گزشتہ کئی عشروں سے اپنی ان دونوں مصنوعات کی پیکنگ کے لیے انڈونشیا کے اُستوائی جنگلات کی لکڑی استعمال کر رہا ہے۔

انسان نما بندر اورنگ اوتان انڈونیشیا کے اُستوائی جنگلات کی خاص پہچان ہیں تاہم اب بندروں کی یہ نسل تیزی سے ناپید ہوتی جا رہی ہے

انڈونیشیا کے اُستوائی جنگلات کی خاص پہچان انسان نما بندر اورنگ اوتان کی نسل تیزی سے ناپید ہوتی جا رہی ہے

امریکی ریاست کیلیفورنیا کے شہر لاس اینجلس میں میٹل نامی کمپنی کی عمارت کے سامنے گرین پیس نے ایک بہت بڑے پوسٹر کی نقاب کشائی کی ہے، جس پر پلاسٹک کی گڑیا باربی کا دوست کین اُس کے ساتھ دوستی ختم کرتے ہوئے یہ کہہ رہا ہے:’’باربی، ہماری دوستی ختم ہوئی۔ میں ایسی لڑکیوں سے دوستی نہیں رکھتا، جو اُستوائی جنگلات کاٹ کر تباہ کرتی ہوں۔‘‘

انڈونیشیا کے دارالحکومت جکارتہ میں گرین پیس کے ارکان گلابی لباس پہن کر میٹل کے خلاف احتجاج کے لیے نکلے۔ گرین پیس کے بستار مائطر بتاتے ہیں کہ باربی کی پیکنگ کے لیے جو گلابی رنگ استعمال کیا جاتا ہے، وہ اُستوائی جنگلات کی لکڑی ہی سے تیار کیا جاتا ہے:’’ہم نے باربی پیکنگ تیار کرنے والی کمپنی کا پتہ چلا لیا ہے۔ ہم نے خود اس گڑیا کی جانچ پڑتال نہیں کی بلکہ محض پیکنگ پر توجہ دی ہے۔‘‘

باربی کا دوست کین اُس کے ساتھ دوستی ختم کرتے ہوئے یہ کہتا ہے:’’باربی، ہماری دوستی ختم ہوئی۔ میں ایسی لڑکیوں سے دوستی نہیں رکھتا، جو اُستوائی جنگلات کاٹ کر تباہ کرتی ہوں۔‘‘

باربی کا دوست کین اُس کے ساتھ دوستی ختم کرتے ہوئے یہ کہتا ہے:’’باربی، ہماری دوستی ختم ہوئی۔ میں ایسی لڑکیوں سے دوستی نہیں رکھتا، جو اُستوائی جنگلات کاٹ کر تباہ کرتی ہوں۔‘‘

ان گرین پیس ارکان کا کہنا ہے کہ انڈونیشیا کے قدیم اُستوائی جنگلات تیزی سے تباہ ہو رہے ہیں اور اُن میں بسنے والے شیر اور اورنگ اوتان ناپید ہوتے جا رہے ہیں تاہم امریکی کمپنی میٹل کو اس سے کوئی دلچسپی نہیں ہے کہ اس کے کھلونوں کی پیکنگ میں استعمال ہونے والا گلابی رنگ کہاں سے آتا ہے۔ ان ارکان کے مطابق یہ رنگ ایشیا پلپ اینڈ پیپر نامی کمپنی فراہم کرتی ہے۔ گرین پیس کے مطالبے کی وضاحت کرتے ہوئے بستار مائطر کہتے ہیں:’’ہم چاہتے ہیں کہ میٹل کمپنی پیکنگ کی تیاری کا طریقہ بدل دے اور استوائی جنگلات کو بچائے۔‘‘

گرین پیس کا میٹل کمپنی سے یہ مطالبہ ہے کہ وہ ایشیا پلپ اینڈ پیپر کے ساتھ اپنا معاہدہ منسوخ کر دے۔ دریں اثناء ایشیا پلپ اینڈ پیپر نے اپنے خلاف الزامات کی تردید کی ہے۔

رپورٹ: امجد علی

ادارت: کشور مصطفیٰ

DW.COM

ویب لنکس