1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

بائرن میونخ چیمپیئنز لیگ کے فائنل میں

ایوٹسا اولیچ کی تین مسلسل گولوں کی بدولت بائرن میونخ کی ٹیم چیمپیئنز لیگ فٹبال کے فائنل کے لئے کولیفائی کر گئی ہے۔ سیمی فائنل کے حتمی مرحلے میں بائرن میونخ نے فرنانسیسی کلب لیوں کو تین صفر شکست دے دی۔

default

چیمپیئنز لیگ کے ایک سیمی فائنل میچ کا دوسرا مرحلہ منگل کی شام فرانسیسی شہر لیوں میں مکمل ہو گیا ہے۔ بائرن میونخ کے کروشیائی اسٹرائیکر کی ہیٹ ٹرک کی بدولت بائرن میونخ کو 2001ء کے بعد پہلی مرتبہ چیمپیئر لیگ فٹبال ٹورنامنٹ کے فائنل تک رسائی حاصل ہوئی ہے۔ اولیچ نے پہلا گول کھیل کے 26 ویں منٹ میں کیا۔ انہوں نے دوسرا گول کھیل کے 67 ویں اور تیسرا گول کھیل ختم ہونے سے 12 منٹ قبل کیا۔

Fußball Champions League Halbfinale FC Bayern München Olympique Lyon Flash-Galerie

بائرن میونخ کو 2001ء کے بعد پہلی مرتبہ چیمپیئر لیگ فٹبال ٹورنامنٹ کے فائنل تک رسائی حاصل ہوئی ہے

بائرن میونخ کی ٹیم کو 22 مئی کو کھیلے جانے والے فائنل میں اطالوی کلب میلان یا ہسپانوی کلب بارسلونا میں سے کسی ایک کا سامنا کرنا ہو گا۔ بارسلونا اور میلان کے درمیان آج بدھ کے روز ہونے والے میچ سے فائنل کی دوسری ٹیم کا فیصلہ ہو جائے گا۔

بائرن میونخ میں لیوں اور میونخ کی ٹیموں کے درمیان سیمی فائنل کے پہلے مرحلے میں بائرن میونخ ایک صفر سے جیتی تھی، اس برتری کو ختم کرنے کے لئے لیوں کو اس میچ میں تین گولوں سے جیت درکار تھی۔ تاہم یہ مدھم امید اس وقت دم توڑتی دکھائی دی، جب لیوں کے کھلاڑی کرس کو فاؤل کرنے پر سرخ کارڈ دکھا کر میچ سے باہر کر دیا گیا اور لیوں کی ٹیم کو باقی میچ دس کھلاڑی کے ہمراہ کرنا پڑا۔ اس پر اولچ کی اس ناقابل شکست ہیٹ ٹرک نے بائرن میونخ کو چار صفر کے مجموعی نتیجے سے سرفراز کر دیا۔

سن 2001ء میں بائرن میونخ نے Valencia کی ٹیم کو پنیلٹیز پر شکست دے کر چیمپئنز لیگ جیتی تھی۔ چیمپیئنز لیگ کا فائنل میڈرڈ میں کھیلا جائے گا۔

رپورٹ : عاطف توقیر

ادارت : عابد حسین