1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

ایک ارب بچے تشدد کا شکار

عالمی ادارہ برائے صحت کے مطابق اس وقت دنیا میں ہر دوسرا بچہ تشدد کا شکار ہے اور ہر پانچ میں سے ایک لڑکی کم از کم ایک مرتبہ جنسی زیادتی کا نشانہ بنتی ہے۔

اقوام متحدہ کا کہنا ہے کہ عالمی سطح پر کئی ممالک کی حکومتوں کو اس بات کا اندازہ نہیں ہے کہ دنیا میں لگ بھگ ایک ارب بچے تشدد کا شکار ہیں۔ جرمن خبر رساں ادارے ڈی پی اے کی رپورٹ کے مطابق اقوام متحدہ اور اس کے اتحادی اداروں نے مل کر ایک ایسا اتحاد بنایا ہے، جس کا مقصد بچوں کو تشدد اور زیادتی کا شکار ہونے سے بچانے کے لیے اقدامات کرنا ہے۔

عالمی ادارہ برائے صحت کی رپورٹ کے مطابق ’قتل‘ نوجوانوں کی اموات کی پہلی پانچ وجوہات میں شامل ہے۔ ڈی پی اے کی رپورٹ کے مطابق ڈبلیو ایچ او، اقوام متحدہ کی ایجنسی یونیسیف، عالمی بینک اور دیگر اداروں کا کہنا ہے کہ بچوں پر جسمانی، جنسی اور ذہنی تشدد کے باعث بڑے پیمانے پر سماجی بہبود کے پروگراموں پر بھی معاشی بوجھ بڑھتا ہے۔

China Kind von Migranten auf Müllhalde in Guiyang

عالمی ادارہ برائے صحت کی رپورٹ کے مطابق ’قتل‘ نوجوانوں کی اموات کی پہلی پانچ وجوہات میں شامل ہے۔

ڈبلیو ایچ او کا کہنا ہے کہ کئی امیر ممالک میں بچوں کے خلاف صرف دس فیصد جرائم ریکارڈ کیے جاتے ہیں اور یہی وجہ ہے کہ قوانین کا سخت نفاذ مسئلے کے بہترین حل کے لیے ضروری ہے۔

اس اتحاد نے مطالبہ کیا ہے کہ حکومتیں بچوں کو اسلحہ حاصل کرنے سے روکنے کے لیے اقدامات کریں اور والدین کو بھی اپنے بچوں کو مار پیٹ کرنے کا حق حاصل نہیں ہونا چاہیے۔

قوانین پر بہتر عمل درآمد کے علاوہ یہ اتحاد والدین کی تربیت کے لیے بھی اقدامات کر رہا ہے۔ والدین کو بچوں کے ساتھ دوستانہ رویے برتنے کی تربیت کینیا، برما، جنوبی افریقہ اور امریکا میں مثبت نتائج دے چکی ہے۔

DW.COM