1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

ایمنسٹی انٹرنیشنل کی اوباما پر تنقید

ایمنسٹی انٹرنیشنل نے کہا ہے کہ انسانی حقوق کے حوالے سے باراک اوباما کی انتظامیہ پہلے سو روز میں کوئی خاطر خواہ کارکردگی دکھانے میں ناکام رہی ہے۔

default

ایمنسٹی انٹرنیشنل نےانسانی حقوق کی صورتحال میں کے حوالے سے اوباما پالیسوں کو مبہم قرار دیا ہے

لندن میں قائم حقوق انسانی کی اس بین الاقوامی تنظیم کے مطابق امریکی صدر باراک اوباما کی طرف سے انسداد دہشت گردی کی کوششوں میں بہتری اور موجودہ صورتحال میں تبدیلی کے وعدوں کے باوجود اُن کی اب تک کی پالیسیاں ’’مبہم‘‘ نظر آرہی ہیں۔

ایمنسٹی انٹرنیشنل کا کہنا ہے کہ بُش دور میں امریکی خفیہ ایجنسی CIA کے جن ایجنٹوں نے مبینہ طور پر حراست کے دوران قیدیوں کو جسمانی اذیتیں دینے کے احکامات دئے تھے، اُن کے خلاف مقدمہ نہ چلانے کا اوباما انتظامیہ کا فیصلہ مایوس کن ہے۔

ایمنسٹی انٹرنیشنل کی سیکرٹری جنرل آئرین خان کے مطابق اوباما انتظامیہ کے اس فیصلے سے یہ تاثر ملتا ہے کہ ’’ٹارچر کے لئے قصوروار افراد کو کھلی چھوٹ ہے۔‘‘ آئرین خان نے تاہم اوباما کی طرف سے کیوبا میں قائم گوانتانامو جیل بند کرنے کے مجوزہ منصوبے کو ایک مثبت پیش رفت قرار دیا۔