1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ایشین گیمز میں خواتین کے ہاکی مقابلے

دوہہ قطر میں جاری پندرہویں ایشیائی کھیلوں کے دوران پیر کے روز خواتین ہاکی کے مقابلوں میں چین نے ملائیشیا کی ٹیم کو چار ایک سے شکست دے کر فائنل کے لئے کوالیفائی کر لیا۔ ٹورنامنٹ میں یہ چین کی پانچویں فتح تھی۔

میچ کے چھٹے منٹ میں ہی ملائیشیا نے چین کے خلاف پہلے گول کرکے سب کو حیران کر دیا لیکن اُس کے بعد چین نے ہاف ٹائم سے پہلے دو گول اسکور کرکے ایک گول کی برتری حاصل کی۔ میچ کے دوسرے ہاف کے 45 ویں اور 53 ویں منٹ میں چین نے دو مزید گول سکور کرکے میچ کو آسانی کے ساتھ اپنی جھولی میں ڈال لیا۔

پورے ٹورنامنٹ میں چین کو اب تک صرف جاپان کی ٹیم سے شکست ہوئی۔ آٹھ دسمبر کو کھیلے جانے والے اِس میچ میں جاپان نے چین کو تین صفر سے ہرایا تھا۔ خواتین کی ہاکی ٹیموں کا فائنل 13 دسمبر کو کھیلا جائے گا اور اُس میں بھی چین اور جاپان ہی ایک دوسرے کے مدمقابل ہوں گے۔