1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ایشز سیریز: آسٹریلیا کی پوزیشن مستحکم

برطانیہ میں جاری ایشز سیریز کے تیسرے ٹیسٹ میں آسٹریلیا کی ٹیم نے عمدہ آغاز کیا ہے تاہم جمعرات کو کھیلا گیا میچ بارش کی وجہ سے متاثر ہوا۔

default

آسٹریلیا کے کپتان رکی پونٹنگ

جمعرات کے روز بارش کی وجہ سے میچ کا آغاز چھ گھنٹے تاخیر سے ہوا تاہم یہ آسٹریلیا کے لیے ایک اچھا دن تھا۔ کپتان رکی پونٹنگ نے ٹاس جیت کر پہلے بیٹنگ کرنے کا فیصلہ کیا اور شین واٹسن کو بطور اوپنر کھلانے کا فیصلہ کیا جو کہ آسٹریلیا کی ٹیم کے لیے عمدہ ثابت ہوا۔

Cricket Ashes Cup Englad Australien Juli 2009

آسٹریلیا یہ میچ جیت کر سیریز برابر کرنے کی خواہش مند

واٹسن کی ناقابلِ شکست ففٹی نے آسٹریلیا کی ٹیم کو میچ کے پہلے دن ایک سو چھبیس رنز تک پہنچا دیا۔ دن کے اختتام پر آسٹریلیا کے ایک وکٹ کے نقصان پر ایک سو چھبیس رنز تھے اور واٹسن کریز پر باسٹھ رنز کے ساتھ موجود تھے اور ان کا ساتھ دینے کے لیے دوسری وکٹ کی شراکت میں کپتان رکی پونٹنگ تھے۔

واضح رہے کہ ایشز سیریز میں برطانیہ کو آسٹریلیا پر ایک صفر کی برتری حاصل ہے اور آسٹریلیا کی ٹیم اس ٹیسٹ کو جیت کر سیریز برابر کرنے کی خواہاں ہے۔ لارڈز کے میدان پر کھیلے گئے میچ میں آسٹریلوی ٹیم برطانیہ سے ایک سو پندرہ رنز سے ہار گئی تھی۔ آسٹریلوی ٹیم کے کوچ ٹم نیلسن نے اننگز کے آغاز کو مثبت قرار دیا ہے۔

تیسرے ٹیسٹ کی ابتدا سے قبل آسٹریلیا کی ٹیم اس وقت مسائل کا شکار ہوگئی، جب ٹیم کے وکٹ کیپر بریڈ ہیڈن انگلی میں لگی چوٹ کی وجہ سے میچ میں شریک نہیں ہو سکے۔ آسٹریلیا نے آخری وقت میں برطانیہ کی ٹیم سے ہیڈن کی جگہ گریہم ماناؤ کو میچ میں کھلانے کی اجازت طلب کی، جو کہ میزبان ٹیم نے قبول کرلی۔

واضح رہے کہ ایشز سیریز برطانیہ اور آسٹریلیا کے درمیان کھیلی جاتی ہے۔ یہ سیریز سن اٹھارہ سو بیاسی سے کھیلی جا رہی ہے اور اس کو کرکٹ میں ایک تاریخی حیثیت حاصل ہے۔ اس سیریز کی میزبانی ایک مرتبہ برطانیہ تو دوسری مرتبہ آسٹریلیا کرتا ہے۔