1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

ایسا بھی ہوتا ہے دنیا میں!

اطالوی دارالحکومت روم کی ایک یونیورسٹی سے وابستہ ایک سرکاری ملازمہ کو صرف اس لیے تنخواہ کے ساتھ چھٹی دی گئی، کیونکہ اس نے اپنے بیمار کتے کی دیکھ بھال کرنا تھی۔

خبر رساں ادارے ڈی پی اے نے بارہ اکتوبر بروز بدھ اطالوی میڈیا رپورٹوں کے حوالے سے بتایا ہے کہ روم کی ایک سرکاری خاتون اہلکار کو اپنے بیمار کتے کی دیکھ بھال کے لیے چھٹی دے دی گئی ہے۔ اس خاتون نے درخواست کی تھی کہ اس کا کتا بیمار ہے اور وہ اکیلا نہیں رہ سکتا۔

میڈیا رپورٹوں کے مطابق روم کی ایک یونیورسٹی سے وابستہ اس سرکاری ملازمہ نے دو دن کی چھٹی کی درخواست دی تھی تاکہ وہ اپنے کتے کا آپریشن کرا سکے۔ بتایا گیا ہے کہ یہ خاتون اکیلی ہی رہتی ہے اور اس کے علاوہ اس پالتو جانور کا خیال رکھنے والا کوئی نہیں۔

اس خاتون نے پہلے بھی دو مرتبہ چھٹی کی درخواست دی تھی، جو نامنظور ہو گئی تھی۔ تاہم جانوروں کے حقوق کے لیے سرگرم ادارے LAV نے اس خاتون کا کیس اٹھایا اور یونیورسٹی سے مطالبہ کیا کہ اسے چھٹی دی جائے۔ اس ادارے نے ڈٰی پی اے کو بتایا ہے کہ اس کی مداخلت کے باعث اس خاتون کو چھٹی مل گئی۔

اس پیشرفت پر جانوروں کے تحفظ کے ادارے LAV نے خوشی کا اظہار کرتے ہوئے کہا ہے کہ دراصل اس سے معلوم ہوتا ہے کہ اطالوی معاشرے میں جانوروں کو بھی معاشرے کا ایک حصہ تصور کیا جاتا ہے۔ اس ادارے کی خاتون صدر کے مطابق، ’’جانوروں کے تحفظ کے تناظر میں یہ ایک اور اہم پیشرفت ہے۔ یوں اعتراف کیا گیا ہے کہ پالتو جانور بھی ہر طرح سے ایک گھرانے کا رکن ہوتے ہیں۔‘‘

ویڈیو دیکھیے 01:48

​ پشاور کا کُتا گھر

Audios and videos on the topic