1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ایران میں مسافر بردار طیارہ تباہ، کم از کم سترہ افراد ہلاک

ایک ایرانی سرکاری عہدیدار کے مطابق شمال مشرقی ایران میں ایک مسافر بردار طیارے کو اترنے کی کوشش کے دوران آگ لگ گئی۔ اِس حادثے میں سترہ افراد ہلاک ہو گئے۔

default

پندرہ جولائی کو بھی ایران میں ایک مسافر بردار طیارہ تباہ ہو گیا تھا اور 168 افراد ہلاک ہو گئے تھے۔

صوبائی عہدیدار گاہرمن رشید نے سرکاری نیوز ایجنسی کو بتایا کہ نجی شعبے کی فضائی کمپنی آریہ ایئر لائن کے ٹائروں کو اُس وقت آگ لگ گئی، جب یہ طیارہ اُترنے کی کوشش کر رہا تھا۔ بتایا گیا ہے کہ یہ واقعہ مشہد ایئر پورٹ پر پیش آیا، جہاں یہ طیارہ رَن وے کے قریب ایک دیوار سے جا ٹکرایا۔

ابتدائی اطلاعات کے مطابق طیارے کے کاک پٹ میں بھی آگ لگ گئی ا ور مزید اُنیس افراد زخمی بھی ہو گئے۔ روسی ساخت کے اِس الیوشن طرز کے طیارے پر مجموعی طور پر 153 افراد سوار تھے۔

پندرہ جولائی کو ایک ایرانی مسافر بردار طیارہ پرواز شروع کرنے کے فوراً بعد حادثے کا شکار ہو گیا تھا۔ اُس حادثے میں 168 افراد موت کا شکار ہوئے تھے۔

ایرانی فضائی کمپنیاں مالی مشکلات کا شکار ہیں، جس کے باعث طیاروں کی مرمت اور تجدید کا کام شدید طور پر متاثر ہو رہا ہے۔