1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ایرانی پارلیمان اور خمینی کے مقبرے میں فائرنگ، دو ہلاک

ایرانی پارلیمان اور آیت اللہ خمینی کے مقبرے میں فائرنگ کے نتیجے میں کم از کم دو افراد ہلاک ہو گئے ہیں۔ ایرانی میڈیا کی طرف سے فائرنگ کرنے والے افراد کی تعداد کے بارے میں مختلف رپورٹیں مل رہی ہیں۔

 ایرانی سرکاری براڈ کاسٹر پریس ٹی وی کے مطابق دارالحکومت تہران میں واقع ملکی پارلیمان میں فائرنگ کرنے والے حملہ آوروں کی تعداد تین ہے۔ ایرانی نیوز ایجنسی ISNA اور فارس کے مطابق تین افراد کو گولی لگیجن میں ایک سکیورٹی گارڈ بھی شامل ہے۔ ISNA کے مطابق تہران پارلیمان کمپلکس میں فائرنگ کے نتیجے میں سکیورٹی گارڈ ہلاک ہوا۔

پارلیمان کے ایک رُکن نے ریاستی براڈ کاسٹر IRIB کو بتایا کہ پارلیمان کے کمپلیکس کے اندر تین مسلح افراد موجود ہیں جن کے پاس رائفلیں اور پستول ہیں۔

آیت اللہ خمینی کے مقبرے پر بھی فائرنگ

اس کے علاوہ ایرانی میڈیا رپورٹوں کے مطابق تہران کے جنوبی حصے میں موجود ایرانی انقلابی کے سربراہ آیت اللہ خمینی کے مزار میں بھی ایک شخص نے فائرنگ کی ہے جس کی وجہ سے متعدد افراد زخمی ہوئے۔ ایرانی نیوز ایجنسی ISNA کے مطابق حملہ آوروں کی فائرنگ سے ایک مالی ہلاک ہوا۔ 

ان دونوں واقعات کے بارے میں مزید اطلاعات ابھی موصول ہو رہی ہیں۔