1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

ایرانی انتخابات: میرکل اور اوباما یکسو

امریکہ کے دورے پرگئیںجرمن چانسلر انگیلا میرکل اور امریکی صدر باراک اوباما نے واشنگٹن میں ایک پریس کانفرنس سے خطاب کرتے ہوئے کہا ہے کہ ایرانی انتخابات کے بعد پیدا ہونے والے تنازعے پر امریکہ اور ایران کا موقف یکساں ہے۔

default

میرکل اور اوباما کی اس سال یہ تیسری مرتبہ ملاقات ہے

جرمن چانسلر نے اس موقع پر کہا کہ ایرانی حکومت انتخابی نتائج کے خلاف مظاہرہ کرنے والے افراد کے ساتھ بدسلوکی نہ کرے۔ دونوں رہنماؤں کے درمیان دیگر امور پر بھی تبادلہِ خیال ہوا جس میں ماحولیاتی تبدیلی کے علاوہ شمالی کوریا کا تنازعہ، اور مشرقِ وسطیٰ کی صورتحال، افغانستان اور پاکستان میں طالبان کے خلاف جنگ جیسے موضوعات بھی شامل تھے۔

اس سے قبل جرمن چانسلر انگیلا میرکل دو روزہ دورے پر امریکی دارالحکومت واشنگٹن پہنچیں۔ دونوں رہنماؤں کی اس سال یہ تیسری مرتبہ بالمشافہ ملاقات ہے۔

انگیلا میرکل نے امریکہ روانہ ہونے سے قبل صحافیوں سے گفتگو کرتے ہوئے کہا کہ برلن اور واشنگٹن ایران کے مسلے پر ہم زبان ہیں اور دونوں ممالک ہی زور دے رہے ہیں کہ تہران حکومت بنیادی شہری حقوق کا احترام کرے۔ انہوں نے مزید کہا کہ وہ اس دورے میں ایران کے علاوہ عالمی مالیاتی بحران، ماحولیاتی تحفظ، شمالی کوریا ، افغانستان سمیت جی ایٹ سمٹ جیسے اہم مسائل پر بات چیت کریں گی۔

Angela Merkel / Warburg Preis

انگیلا میرکل ایرک واربُرنگ پرائز وصول کرتے ہوئے

برطانیہ سمیت یورپ کے کئی ممالک کے سربراہان مملکت اوباما کے صدر بنے کے بعد امریکہ کا دورہ کر چکے ہیں تاہم یورپ کی سب سے بڑی معیشت یعنی جرمنی کی چانسلر باراک اوباما کے صدر منتخب ہونے کے بعد پہلی مرتبہ امریکہ کا دورہ کر رہی ہیں۔ تاہم اوباما دو مرتبہ برلن کا دورہ کر چکے ہیں۔ جرمن چانسلر کے دورہ امریکہ میں تاخیر پر ذرائع ابلاغ میں یہ بھی کہا جاتا رہا ہے کہ انگیلا میرکل کے اوباما کے ساتھ تعلقات میں کوئی خاص گرم جوشی نہیں ہے جیسا کہ میرکل اور سابق صدر بش کے مابین تھی۔ تاہم حکومتی حلقوں نے ایسی خبروں کو بے بنیاد قرار دیا ہے۔

جرمن چانسلر انگیلا میرکل کو جمعرات کے دن ایرک واربُرنگ پرائز سے بھی نوازا گیا۔ یہ انعام جرمن امریکی تعلُقات میں خیرسگالی اور گرم جوشی پیدا کرنے والی شخصیت کو دیا جاتا ہے۔ انگیلا میرکل سے قبل یہ انعام سابق امریکی صدر جورج ایچ ڈبلیو بش اور امریکی سفارت کار ہنری کسنجر کو دیا جا چکا ہے۔

عاطف بلوچ

ادارت : شامل شمس