1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

ایتھلیٹکس چیمپئن شپ:بولٹ کا دوسرا عالمی ریکارڈ

جمائیکا کے ایتھلیٹ اوسین بولٹ نے ورلڈ ایتھلیٹکس چیمپئن شپ میں مردوں کی دو سو میٹر ریس کا ٹائٹل جیت کر ایک اور ورلڈ ریکارڈ قائم کر دیا ہے۔ انہوں نے یہ فاصلہ 19.19 سیکنڈ میں طے کیا۔

default

عالمی ریکارڈ کی ایک اور گھڑی!

Deutschland Jamaica Leichtathletik WM Usain Bolt Weltrekord

بولٹ کی جانب سے جیت پر ‌خوشی کا اظہار

اس سے پہلے گزشتہ سال کے بیجنگ اولمپک میں یہی فاصلہ 19.30 سیکنڈ میں طے کرتے ہوئے بولٹ نے ہی عالمی ریکارڈ بنایا تھا۔

الونسو ایڈورڈ نے یہ فاصلہ 19.81 سیکنڈ میں طے کر سلور جبکہ امریکہ کے ویلیس سپیئرمون نے چاندی کا تمغہ حاصل کیا ہے۔

اوسین بولٹ مردوں کی ایک سو میٹر کی ریس میں بھی ورلڈ ریکارڈ بنا چکے ہیں۔ اتوار کے مقابلے میں انہوں نے ایک سو میٹر کا فاصلہ 9.58 سیکنڈ میں طے کیا تھا۔ 22 سالہ بولٹ مردوں کی اس دوڑ میں پہلے ایتھلیٹ ہیں جو 100 اور 200 میٹر کے ورلڈ اور اولمپک ٹائٹل بیک وقت اپنے نام کئے ہوئے ہیں۔

جمعرات کو مردوں کی دو سو میٹر ریس کے فائنل سے قبل گو کہ بولٹ ریس کے لئے بہترین فارم میں دکھائی دے رہے تھے، تاہم وہ کسی ریکارڈ کی اُمید ظاہر نہیں کر رہے تھے۔ اس کی وجہ رواں سال کے آغاز پر کار کا ایک حادثہ تھا جس میں زخمی ہونے کے باعث وہ ایک ماہ کے لئے تربیتی سیشنز میں شریک نہیں ہو سکتے تھے۔

ورلڈ ایتھلیٹکس چیمپئن شپ کے دوران پانچ روز میں دو عالمی ریکارڈ بنانا اوسین بولٹ کے لئے اس لئے بھی اہمیت رکھتا ہے کہ وہ آج جمعہ کو وہ اپنی 23 ویں سالگرہ منا رہے ہیں۔

دو سو میٹر کی ریس کے لئے امریکی ایتھلیٹ ٹائسن گے کو بھی فیورٹ قررا دیا جا رہا تھا۔ تاہم وہ زخمی ہونے کے باعث فائنل میں حصہ نہیں لے سکے۔

رپورٹ: ندیم گِل

ادارت: عدنان اسحاق

DW.COM