1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

اچھے کھیل کا مظاہرہ کریں گے: انضمام الحق

پاکستانی قومی کرکٹ ٹیم کے سابق کپتان انضمام الحق نے آئی سی ایل میں ایک مرتبہ پھر اچھی کارکردگی دکھانے کا عزم کیا ہے۔ آئی سی ایل کے لئےپاکستانی لاہور بادشاہ کی ٹیم انضمام کی سربراہی میں پیر کے دن بھارت روانہ ہو رہی ہے۔

default

دنیائے کرکٹ کی سٹائلش اور مایہ ناز بیٹسمین انضمام الحق نے صحافیوں سے گفتگو کرتے ہوئے کہا کہ وہ بھارت میں ہونے والی انڈین کرکٹ لیگ آئی سی ایل میں ایک مرتبہ دوبارہ بہترین کھیل کا مظاہرہ کریں گے۔

دس اکتوبر سے شروع ہونے والے ٹوئنٹی ٹوئنٹی مقابلوں میں شرکت کے لئے پاکستانی کھلاڑی انضمام الحق کی سربراہی میں پیر کو بھارت روانہ ہوں گے۔

لاہور بادشاہ جو پچھلے ٹورنامنٹ میں بہترین کھیل کا مظاہرہ کرتے ہوئے فائنل تک پہنچی تھی اس بار آٹھ ٹیموں سے نبرد آزما ہو گی۔ واضح رہے کہ آئی سی ایل کے گزشتہ ٹورنامنٹ میں انضمام الحق کی سربراہی میں لاہور بادشاہ کی ٹیم فائنل میں شکست سے دوچار ہوئی تھی۔ تاہم اس بار انضمام نے اس بات کا اظہار کیا کہ وہ اس مرتبہ یہ ٹائٹل جیتنے کی کوشش کریں گے۔

لاہور بادشاہ کے کوچ اور پاکستان کے سابق سٹار کرکٹر اور کپتان معین خان نے کہا ہے کہ اس ٹورنامنٹ میں عبدالرزاق، توفیق عمر ، شبیر احمد اور حسن رضا بھی دیگر ٹیموں کی نمائندگی کریں گے۔

معین خان نے کہا کہ پاکستانی کرکٹ بورڈ کو چاہیے کہ آئی سی ایل کھیلنے والے کھلاڑیوں کے لئے ڈومیسٹک کرکٹ کھیلنے کے دروازے کھول دینے چاہئے۔