1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

اپسرا ایوارڈز میں ’دبنگ‘ کی دھوم

بھارتی فلم انڈسٹری میں رنگا رنگ اپسرا ایوارڈز کی تقریب میں بالی وڈ کے سپر سٹار سلمان خان کی فلم ‘دبنگ’ آٹھ ایوارڈز جیتنے کے بعدسال کی سب سے بہترین فلم قرار پائی۔

default

اپسرا ایوارڈز کی اس تقریب میں دھرمیندر، امیتابھ بچن، رانی مکھرجی، کرن جوہر، سنی دیول، ایشوریہ رائے، کترینا کیف، اکشے کمار، ارجن رام پال اور یش چوپڑا سمیت بالی وڈ کے دیگر بڑے ناموں نے شرکت کی۔ دوسری جانب فلمی ستاروں سے سجی اس محفل میں معروف ترین بھارتی اداکار شاہ رخ خان، پریانکا چوپڑا، گووندا اور انوشکا شرما کی سٹیج پرفارمنس نے بھی تقریب کو خوب رونق بخشی۔

shahrukh.jpg

شاہ رخ خان کی اسٹیج پرفارمنس نے شائقین کے دل موہ لیے

ہر سال بالی وڈ فلموں کے مختلف شعبوں میں اعلی کارکردگی دکھانے والوں کو ایوارڈز سے نوازے جانے کی اس تقریب میں اس سال بھارتی سپر سٹار سلمان خان کے بھائی اداکار ارباز خان کی پروڈکشن اور نئے ہدایت کار Abhinav Kashyap کی پہلی فلم ’دبنگ‘ چھائی رہی ۔فلم کو جن آٹھ شعبوں میں ایوارڈز دیے گیے ان میں بہترین فلم (دبنگ)، بہترین اداکار (سلمان خان)، بہترین گلوکارہ (ممتا شرما)، منفی کردار میں بہترین اداکار (سونو سود)، بہترین نئی اداکارہ (سوناکشی سنہا)، بہترین میوزک (ساجد،واجد)، بہترین ڈائیلاگز (Abhinav Kashyap) اور بہترین مرد گلوکار ( راحت فتح علی خان) شامل ہیں۔

سلمان خان کی ’دبنگ‘ کے بعد جس فلم کو سب سے زیادہ پزیرائی حاصل ہوئی وہ تھی فلم ’ بینڈ، باجا، بارات‘۔ اس فلم کو جن چھ کیٹیگریز میں ایوارڈز دیے گیے ان میں بہترین اداکارہ ( انوشکا شرما)، بہترین ہدایت کار (ٹی۔پی۔عابد ، سونل چوہدری)، بہترین نئے اداکار ( رن ویر سنگھ) بہترین ایڈیٹنگ ( نمراتا راوُ )، بہترین نئے ہدایت کار ( منیش شرما) اور بہترین کاسٹیوم ڈیزائن ( نیہاریکا خان) شامل ہیں۔

Anushka Sharma

انوشکا شرما بہترین اداکارہ قرار بائیں

بالی ووڈ کے ستاروں کے ساتھ منائی جانے والی اس شام میں صدارتی اعزاز برائے نمایاں کارکردگی کے نام سے ایک خصوصی ایوارڈ کی کیٹیگری کا بھی اعلان کیا گیا جس میں سنجے لیلا بھنسالی کو حساس موضوع پر بنائی گئی فلم ’گزارش‘ جبکہ ہریتک روشن اور ایشوریہ رائے کو اس فلم میں بہترین اداکاری پر ایوارڈ دیے گیے۔

ہندی فلم انڈسٹری میں اپنی خدمات کے 50 سال پورے کرنے پر اداکار دھرمیندر کولائف ٹائم اچیومنٹ کے اعزاز سے بھی نوازا گیا۔

تقریب میں دیے گیے چند دیگر ایوارڈز کی تفصیل کچھ یوں ہے :

بہترین گیت نگار : گلزار ( عشقیہ)

بہترین سکرین پلے: راجت اروڑا (Once Upon A Time In Mumbaai)

بہترین سپیشل ایفیکٹس : پرائم فوکس ( گزارش)

بہترین کہانی: انوشا رضوی (پیپلی لائو )

بہترین مزاحیہ اداکار : پاریش راول ( اتیتھی تم کب آو گے)

رپورٹ: عنبرین فاطمہ

ادارت:شادی خان سیف

DW.COM