1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

اُسامہ کو مارنے کا ارادہ، حب الوطنی یا دیوانگی؟

پاکستانی تفتیش کار اُس امریکی شہری کی نفسیاتی جانچ کرانے کے بارے میں سوچ بچار کر رہے ہیں، جو القاعدہ کے سربراہ اسامہ بن لادن کو ڈھونڈ نکالنے کے بعد ہلاک کرنے کے ارادے سے پاکستان گیا تھا۔

default

اسامہ ہَنٹر گیری بروکس فالکنر

گیری بروکس فالکنر نامی اس امریکی شہری کو پیر کے روز شمالی پاکستان کی وادیء چترال سے گرفتار کیا گیا۔ تفتیش کاروں کے مطابق یہ امریکی باشندہ ایک پستول، ایک چھری، ایک تلوار اور ایک نائٹ وژن چشمے سے لیس تھا اور اس کا ارادہ اسامہ بن لادن کو تلاش کرکے اسے قتل کرنا تھا۔

Osama Bin Laden neue Internetbotschaft, englische Überschrift

اسامہ بن لادن پر پچیس ملین امریکی ڈالرز کی خطیر رقم کا انعام ہے

پچاس سالہ کنسٹرکشن ورکر گیری فالکنر کا تعلق امریکی ریاست کیلیفورنیا سے بتایا جاتا ہے۔ فالکنر ہتھیاروں سمیت امریکہ سے پاکستان کی چترال وادی پہنچنے میں کیسے کامیاب ہوا، اس بارے میں تفتیش جاری ہے۔ اس وقت تفتیش کار مسٹر فالکنر سے پاکستانی شہر پشاور میں پوچھ گچھ کر رہے ہیں۔

پاکستانی خفیہ ادارے کے ایک اہلکار نے فرانسیسی خبر رساں ادارے ’اے ایف پی‘ کو بتایا کہ امریکی شہری فالکنر سے بہت سارے سوالات پوچھے جا رہے ہیں۔’’تلوار اور چھری جیسے ہتھیاروں سے اسامہ بن لادن کو مارنا کیسے ممکن ہے۔‘ زیر حراست اس امریکی شہری کو یہ بھی بتایا جا رہا کہ اسامہ کو ایسے ہتھیاروں سے مارنا کوئی بچوں کا کھیل نہیں ہے۔‘‘ اس تفتیش کار نے مزید بتایا کہ پستول اور تلوار اپنے ساتھ رکھنا واقعی ایک جرم ہے لیکن اس کے علاوہ بھی فالکنر سے کئی معاملات میں وضاحت طلب کی جا رہی ہے۔’’ہم یہ بھی کوشش کریں گے کہ ایک نفسیاتی ماہر مسٹر فالکنر کی پوری طرح سے جانچ پڑتال کرے تاکہ یہ پتہ لگایا جا سکے کہ کہیں ماضی میں یہ شخص نفسیاتی مسائل کا شکار تو نہیں رہا ہے۔‘‘

Kisses for Bin Laden

بن لادن کا ایک حامی القاعدہ رہنما کے پوسٹر کو بوسہ دیتے ہوئے

پولیس افسر ممتاز احمد خان نے گرفتار امریکی شخص کے بارے میں کہا کہ اس کے لمبے بال ہیں اور داڑھی ہے اور بظاہر لگتا ہےکہ وہ ’بوکھلاہٹ‘ کا شکار ہے۔ خان کے مطابق فالکنر ہائی بلڈ پریشر یعنی بلند فشار خون کے ساتھ ساتھ گردے کی تکلیف میں بھی مبتلا ہے۔’’فالکنر کو ڈاکٹر کی ضرورت تو ہے۔‘‘

Growing Up Bin Laden von Najwa Bin Laden

القاعدہ چیف بن لادن پر کتاب

ادھر امریکہ میں فالکنر کے بھائی سکاٹ فالکنر نے ’سی این این‘ کو بتایا کہ اس کا بھائی نہ تو دیوانہ ہے اور نہ ہی کسی دماغی مرض میں مبتلا ہے۔ سکاٹ فالکنر کے مطابق گیری فالکنر ایک محب وطن اور خدا پر یقین کرنے والا شخص ہے۔’’میرا بھائی پچیس ملین ڈالر کی رقم حاصل کرنے کے لئے اسامہ کو مارنے نہیں نکلا ہے۔ وہ اپنے وطن سے محبت کے جذبے اور خدا پر پختہ یقین لئے اس مشن پر تھا۔‘‘ سکاٹ فالکنر نے مزید کہا کہ گیری فالکنر کو گیارہ ستمبر کے حملوں سے بہت صدمہ پہنچا تھا اور اسے اسامہ کی جانب سے ’عیسائیت کے خلاف بیانات‘ پر بھی غصہ تھا۔

پاکستان میں پولیس کا کہنا ہے کہ گیری فالکنر ایک سیاح کی حیثیت سے تین جون کو چترال پہنچا، وہاں کے ایک مقامی ہوٹل میں ٹھہرا، اسے روایتی سیکیورٹی بھی دی گئی لیکن پھر وہ اچانک غائب ہوگیا۔

دریں اثناء پاکستان میں امریکی سفارت خانے کا کہنا ہے کہ قونصل حکام پاکستانی حکام کے ساتھ بات چیت کر رہے ہیں تاکہ ان کی گیری فالکنر تک رسائی ممکن ہو سکے۔

رپورٹ: گوہر نذیر گیلانی/خبر رساں ادارے

ادارت: امجد علی

DW.COM