1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

اور اب گوگل کے ذریعے ’نیٹ ٹو فون‘ کی سہولت بھی

انٹرنیٹ نے دُور بیٹھے لوگوں سے بات چیت اور رابطے کو نہایت آسان بنا دیا ہے۔ اس کے ذریعے نہ صرف آپ دور دراز رہنے والے رشتے داروں سے بات کر سکتے ہیں بلکہ انہیں ویڈیو کانفرنسنگ کے ذریعے دیکھ بھی سکتے ہیں۔

default

گُوگل استعمال کر نے والے افراد کمپیوٹر سے کمپیوٹر پر کال توپہلے بھی کر سکتے تھے، لیکن ایک تازہ اعلان کے مطابق گُوگل استعمال کرنے والے افراد اب اپنے ای میل سے براہ راست ٹیلیفون کرنے یعنی نیٹ ٹو فون کی سہولت سے بھی فائدہ اُٹھا سکیں گے۔ ۔ اس اعلان کے بعد گُوگل Skype, AT&T Inc. اور Verizon Communications جیسی کمپنیوں کے مقابلے پر آگئی ہے۔

گوگل کے ایسے صارفین جو امریکہ اورکینیڈا کال کرنا چاہتے ہیں وہ پہلے سال اس سروس سے مفت استفادہ کر سکیں سکیں گے، جبکہ برطانیہ، فرانس، جرمنی، چین اور جاپان کال کرنے والے افراد نہایت ہی سستے داموں یعنی دو سینٹ فی منٹ میں کال کرسکیں گے۔

Student in Shanghai surft im Internet

انٹرنیٹ کے ذریعے دور بیٹھے لوگوں سے رابطہ آسان

ماہرین کا کہنا ہے کہ گوگل کے اس اعلان کے بعد ٹیلیفون کمپنیوں کو کوئی خاص فرق نہیں پڑے گا کیونکہ وہ پہلے ہی اپنے کال ریٹ کم کرچکی ہیں، تاہم کال کی سہولت فراہم کرنے والی دیگر انٹرنیٹ کمپنیوں کو اس سے ضرور نقصان پہنچے گا۔

ہڈسن اسکوائر کے ماہر ٹوڈ ریتھمیر کا کہنا ہے کہ گوگل کی اس نئی سہولت سے Skype کو زیادہ خطرہ ہے۔

Skype نے مقبولیت اس وقت حاصل کی تھی جب اس نے انٹرنیٹ استعمال کرنے والے لوگوں کے لئے کمپیوٹر سے کمپیوٹر مفت کال کی سہولت متعارف کرائی تھی۔

Skype Internettelefonie

گوگل اور سکائپ آمنے سامنے

ٹوڈ ریتھمیر نے مزید کہا کہ گوگل کی یہ سروس امریکہ میں Skype کی طرح صرف بین الا قومی کال کرنے والے صارفین میں ہی مقبول ہوگی کیونکہ ملک کے اندر کال کرنے کے پیسیے پہلے ہی کام ہیں اور یہ سہولت صرف بین الا قومی صارفین کے لئے ہی پر کشش ہے۔

ایک اور ماہر سٹیو کلیمینٹ نے کہا کہ جو لوگ انٹرنیٹ کے ذریعے کال کرنا چاہتے ہیں وہ پہلے ہی اپنے گھر کا فون بند کرچکے ہیں۔

گوگل کا کہنا ہے کہ اس کی یہ سہولت عام فون کی طرح کام کرتی ہے اور صارف صرف اپنے چیٹ بڈی لسٹ میں موجود کونٹیکٹ کا نام یا نمبر لکھے اور 'کال فون' کے آپشن پر کلک کردے۔

جن کالز کے لئے ادائیگی کرنا پڑے گی، وہ ایک آن لائن اکاؤنٹ پر چارج ہوجائیں گی۔ گوگل نے مزید کہا کہ اس سہولت کے ذریعے صارفین موبائل پر فون نہیں کر پائیں گے کیونکہ سہولت گوگل کے علیٰحدہ ایپلیکیشنز پر دستیاب ہے۔

رپورٹ : سمن جعفری

ادارت : افسر اعوان

DW.COM

ویب لنکس