1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

انگلینڈ کے خلاف جرمنی کی شاندار فتح

فیفا ورلڈ کپ کے پری کوارٹر فائنل کے سلسلے میں کھیلے گئے ایک میچ میں جرمنی نے اپنے روایتی حریف انگلینڈ کو ایک کے مقابلے میں چار گول سے شکست دے دی ہے۔

default

کلوزے نے اس میچ میں گول کر کے انفرادی طور پر پچاس گول مکمل کر لئے

میچ کے آغاز سے ہی دونوں ٹیموں نے ایک دوسرے پر حملے کرنا شروع کر دئے تھے۔ تاہم ناک آؤٹ مرحلے کے اس میچ کے 20 ویں منٹ میں کلوزے نے جرمنی کو ایک گول کی برتری دلائی، جسے بارہ منٹ بعد ہی لوکاس پوڈولسکی نے ایک اور خوبصورت گول کر کے دوگنا کر دیا۔

اس کے بعد انگلینڈ کی ٹیم ایک مرتبہ پھر کھیل میں واپس آئی اور جرمن گول پرایک کے بعد ایک حملے شروع کئے۔ انگلینڈ کی جانب سے پہلا گول کھیل کے 37 ویں منٹ میں میتھیو اُپسن نے کیا۔

WM100613 Deutschland Australien Flash-Galerie

تھوماس ملر دیگرساتھی کھلاڑیوں کے ہمراہ

انگلینڈ کی جانب سے ایک مرتبہ فرانک لیمپرڈ نے بھی بال جرمن گول میں پھینکی مگر لائن ریفری کی نگاہ اس پر نہ پڑ سکی اور اس نے کھیل جاری رکھنے کا اعلان کرتے ہوئے اسے گول قرار نہیں دیا۔

دوسرے ہاف میں جرمن کھلاڑی تھوماس ملر نے یکے بعد دیگرے دو گول کر کے انگلش ٹیم کو پریشان کر دیا۔ 67 ویں منٹ پر شوائن شٹائیگر کے پاس پر ملر نے شاندار گول کیا اور ٹھیک تین منٹ بعد محسوت اوزل کے ایک عمدہ پاس پر انفرادی طور پردوسرا جبکہ مجموعی طور پر چوتھا گول کیا۔

رپورٹ : عاطف توقیر

ادارت : عاطف بلوچ

DW.COM