1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

انگلینڈ ایشیز سیریز جیت سکتا ہے، فلنٹوف

انگلینڈ کے معروف سٹار کرکٹر اینڈریو فلنٹوف نے کہا ہے کہ انگلش ٹیم اس مرتبہ ایشیز سیریز میں کامیابی حاصل کر سکتی ہے۔ ایشیز سیریز کا پہلا ٹیسٹ میچ جعمرات کو برسبین میں شروع ہو رہا ہے۔

default

ایشیز کا پہلا میچ جمعرات کو شروع ہوگا

اس وقت یہ ٹائٹل انگلش ٹیم کے پاس ہے۔ ایشیز سیریز کی تیاریوں کے ساتھ ساتھ دونوں ٹیموں کی طرف سے بیان بازی کا سلسلہ بھی جاری ہے۔ اس سلسلے میں تازہ ترین بیان سابق انگلش آل راؤنڈر اینڈریو فلنٹوف کا ہے، جنہوں نے کہا کہ انگلینڈ اس سیریز میں کامیاب ہو جائے گا۔

پہلے ٹیسٹ میچ سے ایشیز سیریز کے دو مرتبہ کے انگلش ہیرو اینڈریو فلنٹوف نے اس امید کا اظہار کیا ہے کہ انگلش ٹیم پانچ ٹیسٹ میچوں کی سیریز ایک مرتبہ پھر جیت سکتی ہے۔ انہوں نے کہا کہ جیمز اینڈرسن، گریم سوان اور کیون پیٹرسن انگلش ٹیم کے لئے اہم ہتھیار ثابت ہوں گے۔ معروف انگلش آل راؤنڈر نے تاہم کہا کہ رکی پونٹنگ کی ٹیم کو کمزور ہرگز نہیں سمجھا جا سکتا اور اینڈریو سٹراؤس کو محتاط حکمت عملی ترتیب دینی ہو گی۔

Cricket - Großbild

انگلش ٹیم اس مرتبہ ایشیز سیریز میں ایک مرتبہ پھر کامیابی حاصل کرنے کی جستجو رکھتی ہے

فلنٹوف کے مطابق اگرچہ آسٹریلوی ٹیم اس وقت کسی خاص کارکردگی کا مظاہرہ کرنے میں کامیاب نہیں ہو رہی ہے تاہم رکی پونٹنگ ایک ایسے کپتان ہیں، جو کسی بھی ٹیم کے ساتھ میچ جیت سکتے ہیں۔ انگلش ٹیم نے اٹھارہ سالوں کے طویل عرصے کے بعد سن 2005 میں ایشیز سیریز جیتی تھی۔ اپنے ہوم گراؤنڈ میں کامیابی حاصل کرنے والی انگلش ٹیم کی طرف سے تب اینڈریو فلنٹوف نے حیران کن کارکردگی دکھائی تھی۔ بعد ازاں انگلینڈ نے سن 2009 میں بھی یہ سیریز اپنے نام کی اوراس میں بھی یہی انگلش آل راؤنڈر نمایاں رہا تھا۔

ایشیز سیریز کا آغاز اس وقت ہوا تھا جب انتیس مارچ سن 1882ء کو آسٹریلوی کرکٹ ٹیم نے انگلینڈ کو اسی کی سرزمین پر پہلی مرتبہ کسی ٹیسٹ میچ میں ہرایا تھا، جس کے بعد اپنی شکست کا بدلہ لینے کے لئے انگلش ٹیم نے آسٹریلیا کا دورہ کیا اور پھر ایشیز کی یہ داستان شروع ہوئی۔

رپورٹ: عاطف بلوچ

ادارت: امجد علی

DW.COM