1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

صحت

انسانی ایمبریو میں ہی بیماری کا جین تبدیل کرنے میں کامیابی

امریکا اور کوریا کے سائنسدانوں نے دل کی ایک موروثی بیماری کے علاج کے لیے انسانی ایمبریو کے انتہائی ابتدائی ایام میں ’جین ایڈیٹنگ‘ کا طریقہ استعمال کرتے ہوئے جینز میں سے اس بیماری کی وجہ بننے والی خرابی کو ختم کر دیا ہے۔

جرمن خبر رساں ادرے ڈی پی اے کے مطابق اس تحقیق کے سبب ایسے بچوں میں اس بیماری کا خاتمہ ہو جائے گا جو ٹیسٹ ٹیوب یا IVF کے ذریعے پیدا ہوں گے۔ صرف یہی نہیں بلکہ اس سے ان چند ہزار بیماریوں میں سے ایک کا بھی خاتمہ ہو سکے گا جو ایک جین میں خرابی یا تبدیلی کے سبب پیدا ہوتی ہیں۔ محققین نے انسانی جین میں اُس تبدیلی کو ہدف بنایا ہے جو ’’ہائپرٹروفِک کارڈیومایوپیتھی‘‘ (HCM) کا سبب بنتا ہے۔ یہ بیماری نوجوان ایتھلیٹس میں اچانک موت کی سب سے عام وجہ ہے۔

اس تحقیق کی رپورٹ مؤقر تحقیقی جریدے ’’نیچر‘‘ میں شائع ہوئی ہے۔ یہ ریسرچ کیلیفورنیا کے سالک انسٹیٹیوٹ، ’’اوریگن ہیلتھ اینڈ سائنس یونیورسٹی‘‘ اور کوریا کے ’’انسٹیٹیوٹ فار بیسک سائنس‘‘ کا مشترکہ پراجیکٹ ہے۔

سائنسدانوں نے ایک ایسے مرد رضاکار کی جلد سے حاصل شدہ خلیوں سے اسٹیم سیل تیار کیے جسے HCM لاحق تھی۔ ان اسٹیم سیلوں میں CRISPR جین ایڈیٹنگ کے ذریعے تبدیلی کی گئی۔ اس طریقہ کار سے جینز میں تبدیلی نسبتاﹰ آسان ہوتی ہے۔

ان ماہرین نے بعد ازاں ٹیسٹ ٹیوب یا IVF کا طریقہ کار استعمال کرتے ہوئے ایک رضاکار خاتون کی طرف سے فراہم کردہ صحت مند بیضے کو HCM رکھنے والے اس مرد کے سپرم یا نطفے سے بارآور یا فرٹیلائز کیا۔ اس بار آور شدہ بیضے میں پھر ان اسٹیم سیلز کو داخل کر دیا گیا جو جین ایڈیٹنگ کے بعد اچھی کارکردگی کا مظاہرہ کر رہے تھے۔

ان ایمبریوز کو محض چند روز کے لیے پھلنے پھولنے دیا گیا اور انہیں مزید پرورش کے لیے کسی خاتون کی بچہ دانی میں منتقل نہیں کیا گیا۔

HCM سے قریباﹰ ہر پانچ سو میں سے ایک فرد متاثر ہوتا ہے۔ اور جین میں خرابی کے سبب یہ بیماری رکھنے والے افراد میں سے 50 فیصد میں یہ امکان موجود ہوتا ہے کہ وہ یہ خرابی اپنی آئندہ نسل میں بھی منتقل کریں گے۔ ماہرین کے مطابق ایمبریوز میں ہی اس بیماری کا سبب بننے والی جینز کی بیماری کو دور کرنے سے آئندہ نسلوں میں اس بیماری کی منتقلی کا عمل رُک جائے گا۔

ویڈیو دیکھیے 10:25

کیسے ایک پیچیدہ حمل میں جڑواں بچوں کی زندگیاں بچائی گئیں؟

Audios and videos on the topic