1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

اندور: بھارت نے انگلینڈ کو شکست دے دی

بھارت اور انگلینڈ کے درمیان اندور میں آج کھیلے گئے دوسرے ون ڈے میچ میں بھارتی کرکٹ ٹیم نے یوراج سنگھ کی سنچری اور بہترین بولنگ کی بدولت 54 رنوں سے فتح حاصل کرلی۔

default

یوراج سنگھ اس سیریز کے ابتدائی دونوں میچوں میں بہترین کھلاڑی رہے

دوسرے میچ میں فتح کے ساتھ ہی سات میچوں پر مبنی محدود اووروں کی اس سیریز میں بھارت نے فی الحال دو صفر کی برتری حاصل کرلی۔ بھارت نے ٹا س جیت کر پہلے کھیلتے ہوئے مقررہ پچاس اووروں میں 292 رنز سکور کئے۔

بھارت کی طرف سے یوراج نے 118، گوتم گھمبیر نے 70، جبکہ یوسف پٹھان نے محض انتیس گیندوں پر جارحانہ پچاس رنز بنائے۔ انگلینڈ کے نوجوان فاسٹ بولر سٹیوٹ براڈ نے چار وکٹیں حاصل کیں۔ مشکل ہدف کا تعاقب کرتے ہوئے انگلینڈ کی پوری ٹیم 238 رنز پر سمٹ گئی۔

انگلینڈ کی جانب سے اویس شاہ نے نصف سنچری بنائی۔ یوراج سنگھ کو ان کی سنچری اور چار وکٹوں کے لئے مین آف دی میچ کے اعزاز سے نوازا گیا۔ راجکوٹ میں سیریز کے پہلے میچ میں بھی یوراج نے سنچری سکور کی تھی اور اُس میچ میں بھی انہیں مین آف دی میچ قرار دیا گیا تھا۔

ملتے جلتے مندرجات