1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امن معاہدہ اسی سال ہو جائے گا: صدر بش

امریکی صدر جورج ڈبلیو بش نے اپنے دورہ مشرق وسطی کے اختتام پر امید ظاہر کی ہے کہ آئندہ سال جنوری سے پہلے ان کے دور اقتدار میں ہی اسرائیل اور فلسطین کے مابین امن معاہدہ ہوجائے گا۔

امریکی صدر جورج بش اپنے دورہ مشرق وسطی کے آخری دن اپنے مصری ہم منصب حسنی مبارک کے ساتھ

امریکی صدر جورج بش اپنے دورہ مشرق وسطی کے آخری دن اپنے مصری ہم منصب حسنی مبارک کے ساتھ

بدھ کے دن صدر بش نے اپنے مصری ہم منصب حسنی مبارک کے ساتھ مشترکہ پریس کانفرنس میں خطے میں پائیدار امن کی کوششوں کے لئے حسنی مبارک کی خدمات کو سراہا اور کہا کہ خطے کے تمام ممالک کو چاہیے کہ وہ باہم مل کر مشرق وسطی کو ترقی کی راہوں پر گامزن کریں ۔

صدر بش نے ایران کے جوہری پروگرام کو نشانہ تنقید بنایا اور کہا کہ ایران اور شام خطے میں دہشت گردی کو ہوا دے رہے ہیں۔ انہوں نے مذکورہ ممالک سے مطالبہ کیا کہ وہ لبنان میں جاری جمہوری عمل میں ہر گز مداخلت نہ کریں اور اس بات پر زور دیا کہ خطے کی ریاستوں کولبنانی وزیر اعظم فواد سینی اورا کی ،لبنان میں داخلی کوششوں میں ، ان کی مدد کرنا چاہیے۔


Audios and videos on the topic