1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکی وزیر دفاع کی شمالی کوریا اور چین پر تنقید

امریکی وزیر دفاع لیون پینیٹا نے شمالی کوریا پر تنقید کرتے ہوئے اسے غیر ذمہ دار قرار دیا ہے۔

default

امریکی وزیر دفاع لیون پینیٹا

امریکی وزیر دفاع پینیٹا نے چین پر بھی نکتہ چینی کرتے ہوئے کہا کہ چین اپنی فوجی طاقت میں غیر ضروری اضافہ کر رہا ہے۔

پینیٹا جاپان کے دورے پر ہیں جہاں انہوں نے امریکہ کے یوکوٹا ہوائی اڈے کا دورہ بھی کیا۔ شمالی کوریا اور چین کے بارے میں ان کے بیانات ایک جاپانی جریدے میں شائع ہوئے۔

امریکی وزیر دفاع پینیٹا کا کہنا تھا کہ امریکہ اور جاپان کے لیے ایشیا پیسیفک خطے میں ایک سے خطرات اور چیلنجز ہیں۔ ان کا کہنا تھا، ’’یہ چیلنج شمالی کوریا کی صورت میں ہے جو کہ مسلسل غیر ذمہ دارانہ رویے کا مظاہرہ کر رہا ہے۔ شمالی کوریا جوہری ہتھیار بنا رہا ہے جو کہ نہ صرف جاپان کے لیے خطرہ ہیں بلکہ پورے خطے کے لیے۔‘‘

Bildergalerie Atomwaffen 66 Jahre Hiroshima Nordkorea atomwaffenfähige Rakete

شمالی کوریا کے متنازعہ جوہری پروگرام پر بین الاقوامی برادری کو تشویش ہے

پینیٹا کا کہنا تھا کہ اگر پیسیفک خطے میں موجود امریکی افواج میں کوئی تبدیلی لائی گئی تو وہ صرف ان کی تعداد میں اضافے کی شکل میں ہو گی۔ پینیٹا نے یہ نہیں بتایا کہ یہ اضافہ کب اور کس نوعیت کا ہوگا۔

خیال رہے کہ اس وقت امریکہ کے جاپان میں سینتالیس ہزار فوجی اور جنوبی کوریا میں اٹھائیس ہزار فوجی موجود ہیں۔ جاپان ان پانچ ممالک میں شامل ہے جو کہ شمالی کوریا کے متنازعہ جوہری پروگرام کے حوالے سے مذاکرات کا حصہ رہے ہیں۔ دیگر ممالک میں امریکہ، چین، روس اور جنوبی کوریا شامل ہیں۔

امریکی وزیر دفاع کا یہ بھی کہنا تھا کہ امریکہ اور جاپان چین کی فوجی طاقت کے پھیلاؤ پر فکر مند ہیں اور وہ اس سے نمٹنے کے لیے مشترکہ اقدامات کریں گے۔

رپورٹ: شامل شمس ⁄ خبر رساں ادارے

ادارت: امتیاز احمد

DW.COM