1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکی طیارہ تباہ، مسافر وعملہ محفوظ

امریکی طیارہ پرواز سے چند منٹ بعد نیویارک کے دریائے ہڈسن میں کریش لینڈنگ کر گیا اس میں عملے سمیت مسافروں کی کل تعداد 155 تھی تاہم کریش لینڈنگ کے بعد بروقت امدادی کرروائی کے ذریعے تمام افراد کو بچا لیا گیا۔

default

امریکی ائیر ویز کے حادثے کا شکارجہاز سے لوگوں کو نکالا جا رہا ہے

امریکی مسافر طیارے 320 A کی نیو یارک کے لاگارڈیا ائر پورٹ سے پرواز کے چند منٹ بعد نیویارک کے دریائے ہڈسن میں کریش لینڈنگ کے بعد پائلٹ کوطیارے میں موجود 155 انسانوں کی اس مہارت سے جان بچانے کی کارکردگی پربہت زیادہ داد و تحسین پیش کی جا رہی ہے۔

Chelsey B. Sullenberger Pilot

طیارے کے پائلٹ Chesley Sullenberger

دریں اثناء فرانس کے ائربس طیارہ سازادارے نے حادثے کی وجوہات کی تفتیشی کارروائی میں مدد کے لئے ماہرین کی ایک ٹیم نیو یارک بھیجنے کا اعلان کیا ہے۔

Glück im Unglück ایک جرمن مقولہ ہے جس کا مطلب ہے حادثے یا بد قسمتی میں خوش قسمتی۔ یہی کہا جا رہا ہے نیو یارک کے ہوائی اڈے لا گارڈیا سے پرواز کرنے والے امریکی طیارے ائر بس 320 کے ساتھ پیش آنے والے حادثے کے لئے۔ امریکی میڈیا میں پائلٹ Chesley Sullenberger ایک گریٹ ہیرو کے طور پر پیش کیے جا رہے ہیں جنہوں نے ممکنہ طور جہاز کے پرندوں کے ایک حھنڈ سے ٹکرانے کے بعد طیارے کو اس مہارت سے دریائے ہڈسن کے تقریباٍ جمے ہوئے پانی پر اتارا کہ معجزاتی طور پر عملے سمیت مسافروں کو کوئی زخم نہیں آئے۔

Notwasserung im Houdson River New York

جہاز میں موجود مسافر و عملے کو بحفاطت بچا لیا گیا

نیو یارک کے مئیر Bloomberg نے پائلٹ کی مہارت کی تعریف کرتے ہوئے کہا: پائلٹ نے یقیناٍ نہایت مہارت سے اس حادثے کا مقابلہ کیا ہے۔ اور جہاز کی کریش لینڈنگ کے بعد وہ خود اس وقت تک جہاز سے نہیں اترے جب تک انہیں یہ یقین نہیں ہو گیا کہ تمام مسافر اور عملے کے اراکین باحفاظت جہاز سے نکال لئے گئے ہیں۔

جہاز کی کریش لینڈنگ کے بعد نیو یارک مینہیٹن کے سامنے ہڈسن دریا کے کنارے ڈرامائی سین دیکھنے میں آیا۔ ائربس طیارہ اپنی کھڑکیوں تک یخ پانی میں ڈوبا ہوا تھا۔ امدادی کشتیاں اورغوطہ خورمسافروں کو یخ ٹھنڈے پانی سے تیزی سے نکالنے کے عمل میں مصروف تھے۔ خوف و ہراس میں مبتلا مسافروں کوجن میں ایک چھوٹا بچہ اور اس کی ماں بھی شامل تھی کو بروقت نکال لیا گیا۔ چند مسافروں کو امدادی کاروائیوں کے دوران معمولی زخم آئے جبکہ عملے کے ایک رکن کی ٹانگ کافی زخی ہوئی۔

Notlandung auf dem Houdson River

امدادی ٹیمیوں کے مطابق شدید سردی جانی نقصان کا باعث بن سکتی تھی

مسافروں نے جہاز کی ہنگامی لینڈنگ کے وقت پائی جانے والی خوف اور سنسنی کی کیفیت کا اظہار کرتے ہوئے کہا کہ جہاز دریاء میں لینڈ کرتے وقت انہیں زندگی اور سلامتی کی کوئی امید نہیں تھی۔

نیو یارک اسٹیٹ کے گورنر ڈیوڈ پیٹرسن نے اس حادثے کودریائے ہڈسن کا ایک معجزہ قرار دیا جبکہ امریکی صدرجارج ڈبلیو بش نے پائلٹ Chesley Sellenberger اور ان کے عملے کی کارکردگی اور پیشہ ورانہ صلاحیتوں کو قابل تحسین قرار دیا۔

ائربس بنانے والے فرانسیسی طیارہ ساز ادارے کے مطابق یہ جہاز یونائٹڈ اسٹیٹس ائرویز کو انیس سو ننانوے میں دیا گیا تھا۔ جبکہ پائلٹ Chesley Sullenberger کو چالیس سال کا تجربہ حاصل ہے۔