1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکی سپریم کورٹ کا تازہ فیصلہ صدر بُش کے لئے دھچکہ

امریکہ کے سپریم کورٹ کے ایک تازہ فیصلے کے مطابق گوانتنامو بے میں قید مشتبہ غیر ملکی شدت پسندوں کو اب یہ حق حاصل ہوگا کہ وہ امریکہ کی سول عدالتوں میں اپنی حراست کو چیلنج کرسکیں۔

default

سپریم کورٹ نے اس حوالے سے سن دو ہزار چھہ کے قانون کو کالعدم قرار دیا ہے۔ نو ججوں پر مشتمل پینل میں سے پانچ نے سابقہ قانون کے خلاف رائے دی۔ سابقہ قانون کے ذریعے گوانتنامو بے کے قیدیوں کے حقوق چھین لئے گئے تھے۔

اس وقت القاعدہ اور طالبان کے ساتھ قریبی روابط رکھنے کے شبہ میں کم از کم دو سو ستر افراد گونتنامو بے میں قید ہیں۔

امریکی سپریم کورٹ کے تازہ فیصلے میں کہا گیا ہے کہ ایسے مشتبہ افراد کو یہ آئینی حق حاصل ہے کہ وہ اپنی حراست کو امریکی سول عدالتوں میں چیلنج کرسکیں۔

ماہرین سپریم کورٹ کے اس فیصلے کو امریکی صدر جارج بُش کے لئے ایک دھچکہ بتارہے ہیں۔ جسٹں اینتھونی کینیڈی کے مطابق آئین اور قوانین اسی غرض سے بنائے جاتے ہیں تاکہ مشکل اوقات اور نامناسب حالات میں بھی ان کا اطلاق ہوسکے۔