1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکی حملوں سے جمہوریت کو نقصان ہو گا: زرداری

پاکستانی صدر آصف علی زرداری نے کہا کہ برطانوی وزیر اعظم نے ملاقات میں اتفاق ظاہر کیا ہے کہ پاکستانی قبائلی علاقوں پر امریکی حملے جمہوریت کے لئےسود مند نہیں ہونگے۔

default

لندن کی ٹین ڈاؤننگ اسٹریٹ پر واقع برطانوی وزیر اعظم براؤن کی سرکاری رہائش گاہ پر دونوں رہنماؤں کے درمیان ملاقات تقریباً پونے تین گھنٹے تک جاری رہی۔ جس میں دہشت گردی کے خلاف جنگ سمیت متعدد اہم امور پر تبادلہ خیال کیا گیا۔ برطانوی وزیر اعظم سے ملاقات کے بعد پاکستان کے صدر آصف علی زرداری نے میڈیا سے گفتگو میں کہا کہ پاکستان اور برطانیہ انتہا پسندی ختم کرنے کے حوالے سے یکساں موقف رکھتے ہیں۔

میڈیا سے گفتگو کرتے ہوئے پاکستانی صدر آصف زرداری نے گورڈن براؤن سے اپنی ملاقات کو اطمینان بخش قرار دیا۔ ایک سوال کے جواب میں ان کا کہنا تھا کہ برطانیہ پاکستان کی صورتحال سے آگاہ ہے اور اس سلسلے میں لندن، اسلام آباد سےاپنا تعاون جاری رکھے گا۔ آصف زرداری نے کہا کہ برطانوی وزیراعظم نے پاکستان میں جمہوریت کی بحالی انہیں پر مبارکباد بھی دی۔

پاکستانی صدر نے کہا کہ گورڈن براﺅن سے ملاقات میں دہشت گردی، پاک امریکہ روابط اور برطانیہ کے ساتھ تعلقات پر بھی بات چیت ہوئی۔ پاکستان کے قبائلی علاقوں پر امریکی حملوں سے متعلق ایک سوال کا جواب دیتے ہوئے صدر آصف زرداری نے کہا کہ پاکستانی علاقوں پر امریکی حملے فائدہ مند ثابت نہیں ہوں گے اور برطانیہ بھی یہی سمجھتا ہے کہ اس طرح کی کارروائیوں سے پاکستان میں جمہوریت کو نقصان پہنچے گا۔

Audios and videos on the topic