1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکہ کی نئی ایشیا پالیسی، شمالی کوریا کو پیشکش

امریکی وزیرخارجہ ہلیری کلنٹن نے نیویارک میں ایشیا سوسائٹی کی ایک تقریب سے اپنے خطاب میں صدر اوباما کی زیر قیادت نئی امریکی انتظامیہ کی ایشیا سے متعلق سیاست کی وضاحت کرتے ہوئے شمالی کوریا کوایک بار پھر امن کی پیشکش کردی۔

default

فروری کے اوائل میں جرمن وزیرخارجہ کے دورے کے دوران ہلیری کلنٹں واشنگٹن میں فرانک والٹر شٹائن مائر کے ساتھ

وزیر ‌خارجہ کے طور پر اپنے اولین دورہ ایشیا سے محض دو روز قبل سابقہ خاتون اول ہلیری کلنٹن نے جمعہ کی رات نیویارک میں امریکہ کے ایشیائی ملکوں کے ساتھ تعلقات کو اور مضبوط بنانے کا اعلان کرتے ہوئے کہا کہ واشنگٹن کمیونسٹ شمالی کوریا کو ایک بار پھر اس نقطہ نظر سے باقاعدہ امن معاہدے کی پیشکش کرتا ہے کہ پیانگ یانگ اپنا متنازعہ ایٹمی پروگرام مکمل طور پر اور ہمیشہ کے لئے ترک کردے۔

Clinton Gheit

مصری وزیر خارجہ دورہ امریکہ کے دوران اپنی امریکی ہم منصب کے ہمراہ

ہلیری کلنٹن نے کہا کہ شمالی کوریا کی طرف سے امریکہ کے اتحادی جنوبی کوریا کے لئے بار بار استعمال کی جانے والے دھمکیوں کی زبان کو برداشت نہیں کیا جائے گا اور اگر شمالی کوریا اپنے ایٹمی پروگرام سے ہمیشہ کے لئے دستبردار ہوجاتا ہے تو امریکہ پیانگ یانگ کے ساتھ امن معاہدہ طے کرنے کے علاوہ اسے امدادی سامان بھی مہیا کرے گا اور کمیونسٹ کوریا کی توانائی کی ضروریات کو پورا کرنے میں بھی اس کا ہاتھ بٹائے گا۔

اپنی تقریر میں چین کے امریکہ کے ساتھ تعلقات کا تفصیلی ذکرکرتے ہوئے ہلیری کلنٹن نے کہا کہ واشنگٹن بیجنگ کے ساتھ اپنے نئے اور مثبت رابطوں کا خواہش مند ہے۔

امریکی وزیر خارجہ نے اپنی تقریر میں تبت کے مسئلے، وہاں انسانی حقوق کی صورت حال اور میانمار میں فوجی حکومت کے تحت انسانی حقوق کی پامالیوں کا بھی ذکر کیا اور کہا کہ میانمار میں اپوزیشن کی خاتون رہنما اونگ سن سو چی کو رہا کیا جانا چاہیئے اور تبت میں بالخصوص اور پورے عوامی جمہوریہ چین میں بالعموم انسانی حقوق کا احترام کیا جانا چاہیئے اور عام شہریوں کو مکمل مذہبی آزادی حاصل ہونا چاہیئے۔

ایشیامیں امریکہ کے اتحادی اور حریف ملکوں کے بارے میں ہلیری کلنٹن کی یہ پالیسی تقریر اس لئے بھی اہم ہے کہ نئی امریکی وزیر خارجہ کی حیثیت سے ہلیری کلنٹن اگلے ہفتہ کے آغاز پر اپنے اولین دورہ ایشیا پرروانہ ہونے والی ہیں۔ اس دورے کے دوران وہ جاپان، انڈونیشیا، جنوبی کوریا اور چین جائیں گی۔

Audios and videos on the topic