1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

امریکہ میں پانچ غیر ملکیوں پر فرد جرم

امریکی محکمہ انصاف کے افسران نے سنگاپور سے تعلق رکھنے والے چار اور ایک ایرانی باشندے پر بموں میں استعمال ہونے والا ریڈیو مواد ایران برآمد کرنے کے الزام میں فرد جرم عائد کر دی ہے۔

default

امریکی حکام نے دہشت گردی کے الزام میں سنگاپور سے تعلق رکھنے والے چار افراد اور ایک ایرانی باشندے پر فرد جرم عائد کر دی ہے۔ ان افراد پر الزام ہے کہ انہوں نے عراق میں سڑک پر کیے جانے والے بم دھماکوں کے لیے استعمال کیے جانے والا ریڈیو مواد ایران برآمد کیا تھا۔ امریکی محکمہ انصاف کے مطابق عراق سے انہیں سولہ ریڈیو اینٹینے ملے ہیں جو کہ ان بموں میں استعمال کیے جاتے ہیں۔ امریکی حکام کے مطابق ایرانی باشندہ مفرور ہے۔

فرد جرم کے مطابق ہزاروں کی تعداد میں اینٹینے امریکہ سے ایران برآمد کیے گئے۔ سنگاپور سے تعلق رکھنے والے چار افراد کے علاوہ اس فرد جرم میں سنگاپور کی چار کمپنیوں کو بھی شامل کیا گیا ہے۔

Irak Bombenanschlag in Mosul

ان افراد پر الزام ہے کہ انہوں نے عراق میں سڑک پر کیے جانے والے بم دھماکوں کے لیے استعمال کیے جانے والا ریڈیو مواد ایران برآمد کیا تھا

امریکی افواج کے سابق سربراہ ایڈمیرل مائیک مولن نے جولائی کے مہینے میں کہا تھا کہ عراق میں ایران شیعہ عسکریت پسندوں کی امداد کر رہا ہے اور وہ انہیں جدید ہتھیاروں سے بھی لیس کر رہا ہے، جو کہ امریکی فورسز کے خلاف استعمال کیے جا رہے ہیں۔

امریکی محکمہ انصاف کے مطابق امریکہ کوشش کر رہا ہے کہ ان افراد کو امریکہ بھیجا جا سکے جہاں ان پر کولمبیا ڈسٹرکٹ کی عدالت میں مقدمہ چلایا جا سکے۔ اس کے مطابق یہ کیس ثابت کرتا ہے کہ ایرانی نیٹ ورکس غیر قانونی طریقے سے امریکی ٹیکنالوجی ایران منتقل کر رہے ہیں۔ امریکی اٹارنی رونلڈ میخن کے مطابق ان افراد نے امریکی کمپنیوں کو دھوکہ دے کر پرزے خریدے تھے جنہیں عراق میں دہشت گردی کی کوششوں کے لیے استعمال کیا جانا تھا۔ ان کا کہنا تھا کہ امریکہ کو امید ہے کہ سنگاپور اس سے اس کیس کے حوالے سے تعاون کرے گا۔

رپورٹ: شامل شمس ⁄ خبر رساں ادارے

ادارت: امتیاز احمد

DW.COM