1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکہ میں متنازعہ انسدادِ دہشت گردی پروگرام جاری رہے گا

امریکی صدر جورج ڈبلیو بش اور ری پبلکن پارٹی سے تعلق رکھنے والے تین ناقد سینیٹرز کے درمیان مبینہ غیر ملکی دہشت گردوں سے پوچھ گچھ کے طریقہء کار پر اتفاقِ رائے ہو گیا ہے۔ اس طرح امریکی سیکرٹ سروس CIA اپنے متنازعہ انسدادِ دہشت گردی پروگرام پر عملدرآمد جاری رکھ سکے گی۔

کیوبا میں گوانتانامو کے امریکی حراستی کیمپ میں ایک قیدی کو پوچھ گچھ کے لئے لے جایا جا رہا ہے۔

کیوبا میں گوانتانامو کے امریکی حراستی کیمپ میں ایک قیدی کو پوچھ گچھ کے لئے لے جایا جا رہا ہے۔

طے یہ پایا ہے کہ آئندہ انسانی حقوق کے جنی وا کنونشن کی زیادہ سنگین خلاف ورزیوں مثلاً تفتیش کے دوران جبر و تشدد روا رکھنے کے خلاف اقدامات کئے جائیں گے۔ ان سینیٹرز نے دھمکی دی تھی کہ اگر مبینہ دہشت گردوں کے حقوق کے بہتر تحفظ کی ضمانت نہ دی گئی تو وہ مسودہء قانون کی حمایت نہیں کریں گے۔

امریکی کانگریس کے دونوں ایوانوں میں اس مسودہء قانون پر رائے شماری آئندہ ہفتے ہونے والی ہے۔