1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکہ میں خاتون کی سزائے موت پر عملدرآمد

امریکی ریاست ورجینیا میں ایک خاتون کی سزائے موت پر عملدرآمد کر دیا گیا ہے، جو گزشتہ ایک سو برس میں اس ریاست میں سزائے موت پانےوالی پہلی خاتون بن گئی ہیں۔

default

ٹیریسا لیوئیس

ٹیریسا لیوئیس کو ورجینیا میں مقامی وقت کے مطابق شب نو بجے زہریلا انجکشن لگایا گیا۔ قبل ازیں لیوئیس نے اپنے خاندان کے افراد سے ملاقات کی۔ انہوں نے سوگواروں میں ایک بیٹا اور بیٹی چھوڑی ہے۔ انہوں نے اپنے آخری کھانے میں چکن، جرمن کیک یا ایپل پائے اور ڈاکٹر پیپر سوڈا کی فرمائش کی۔

Gouverneur Bob / Robert McDonnell

ورجینیا کے گورنر باب میکڈونل

اکتالیس سالہ ٹیریسا لیوئیس کی سزائے موت پر عملدرآمد سے یورپی یونین اور انسانی حقوق کے گروپوں کی جانب سے رحم کی اپیلیں دھری کی دھری رہ گئیں۔

امریکی سپریم کورٹ نے سزائے موت پر عملدرآمد رکوانے کی ایک اپیل مسترد کر دی تھی جبکہ ورجینیا کے گورنر بوب میکڈونل نے بھی رحم کی اپیل رد کر دی تھی۔ انسانی حقوق کے گروپ آخری لمحات تک گورنر میکڈونل سے رحم کی اُمید لگائے بیٹھے رہے تاہم گورنر نے کہہ دیا تھا کہ وہ مداخلت نہیں کریں گے۔

ان پر اپنے شوہر اور سوتیلے بیٹے کو کرائے کے قاتلوں کے ذریعے قتل کرانے کا جرم ثابت ہو چکا ہے۔ ٹیریسا لیوئیس نے یہ قتل 2002ء میں انشورنس پالیسیوں کی رقم حاصل کرنے کے لئے کرائے۔

یورپی یونین نے جمعرات کو ایک مرتبہ پھر ورجینیا کے گورنر سے لیوئیس کے لئے رحم کی اپیل کی جبکہ انسانی حقوق کے متعدد گروپوں نے بھی ایسی ہی اپیلیں کیں۔

لیوئیس کی سزائے موت پر عملدرآمد کی مخالفت کرنے والے انہیں ذہنی بیمار قرار دے رہے تھے۔ وہ اس سزا کو عمر قید میں تبدیل کرنے کا مطالبہ کر رہے تھے۔

EU Sterne spiegeln sich im Europa Rat

یورپی یونین نے بھی لیوئیس کے لئے رحم کی اپیل کی تھی

ان کی سزا پر عملدرآمد سے وہ امریکی ریاست ورجینیا میں گزشتہ ایک سو برس میں موت کی سزا پانے والی پہلی خاتون بن گئی ہیں جبکہ امریکہ بھر میں گزشتہ پانچ برس کے دوران کسی خاتون کی سزائے موت پر عملدرآمد کا یہ پہلا واقعہ ہے۔

امریکہ میں 1976ء میں سزائے موت کی بحالی کے بعد لیوئیس سمیت 12 خواتین کی سزا پر عملدرآمد ہوا ہے۔ اس سے پہلے ورجینیا میں 1912ء میں ایک جواں سالہ سیاہ فام لڑکی کی سزائے موت پر عملدرآمد ہوا تھا۔ اسے الیکٹرک چیئر کے ذریعے یہ سزا دی گئی تھی۔

رپورٹ: ندیم گِل

ادارت: عاطف بلوچ

DW.COM

ویب لنکس