1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امریکہ میں ایک جنونی شخص کی فائرنگ، آٹھ افراد ہلاک

امریکی ریاست ورجینیا میں ایک مسلح شخص کی فائرنگ سے 8 افراد ہلاک اور متعدد زخمی ہو گئے۔ ورجینیا کی پولیس کے مطابق یہ واقعہ ریاست ورجینیا کے علاقے Appomottox میں پیش آیا۔

default

اس ریاست میں اس سے قبل بھی ایک واقعے میں متعدد افراد ہلاک ہوگئے تھے، جس کے بعد سیکیورٹی سخت کر دی گئی تھی

ورجینیا کی لا اینڈ آرڈر ایجنسی کے ایک افسر نے نام ظاہر نہ کرنے کی شرط پر بین الاقوامی خبررساں ادارے AP کو بتایا کہ تنہا ایک شخص کی فائرنگ میں متعدد افراد ہلاک اور زخمی ہوئے ہیں۔ پولیس کے مطابق مرکزی ورجینیا میں رونما ہونے والے اس واقعہ کے نتیجے میں ہلاک ہونے والے 8 افراد میں سے 7 کی لاشیں ایک گھر سے ملی ہیں۔ پولیس نے مزید بتایا ہے کہ 39 سالہ مبینہ مجرم Christopher Speight غالباً اسی گھر کے نزدیک جنگل میں چھپا ہوا ہے، جسے پولیس نے گھیرے میں لیا ہوا ہے۔ قبل ازیں اس واقعے کی تفتیش کے بارے میں ایک افسر نے تفصیلات یہ کہہ کر بتانے سے انکار کردیا تھا کہ اُسے تفتیشی کارروائی کے بارے میں کچھ کہنے کی اجازت نہیں ہے۔

ورجینیا کی پولیس کے مطابق اس کے سو سے زائد اہلکار اُن جھاڑیوں کو گھیرے میں لئے ہوئے ہیں، جن میں غالباً مبینہ مجرم چھپا ہوا ہے۔ پولیس نے یہ نہیں بتایا کہ یہ واقعہ کیوں پیش آیا تاہم پولیس ترجمان نے اس امر کی تصدیق کی ہے کہ مسلح شخص نے پولیس کے ایک ہیلی کوپٹر پر بھی اندھا دھند فائرنگ کی، جس کے نتیجے میں ہیلی کوپٹر کا فیول ٹینک پھٹ گیا، جس کے بعد ہیلی کوپٹر کو لینڈ کرنا پڑا۔ تاہم کسی پولیس اہلکار کو کوئی نقصان نہیں پہنچا ہے۔ تشدد کے اس واقعے کے بعد ورجینیا کے اس دیہی علاقے میں کاروبار زندگی مفلوج ہو کر رہ گیا ہے۔ پولیس نے مزید بتایا کہ ورجینیا کے علاقے Appomottox میں اس دہشت گردانہ کارروائی میں ہلاک ہونے والوں میں کوئی بچہ شامل نہیں تھا۔

رپورٹ : کشور مصطفیٰ

ادارت : عاطف توقیر