1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

امريکا، يورپ اور کئی ديگر خطوں ميں عیدالضحیٰ

امريکا، يورپ، مشرق وسطیٰ اور متعدد مشرقی ايشيائی ملکوں ميں آج مسلمان عیدالضحیٰ کا مذہبی تہوار روايتی جوش و جذبے کے ساتھ منا رہے ہيں۔ پاکستان ميں عیدالضحیٰ کل ہفتے کے روز منائی جائے گی۔

دنيا بھر کے قريب دو ملين مسلمانوں نے آج بروز جمعہ مکہ مکرمہ کی مسجد الحرم اور مدينہ منورہ کی مسجد النبوی ميں عیدالضحیٰ کی نماز ادا کی۔ جحاج نے نماز ادا کرنے کے بعد منیٰ کا رخ کيا، جہاں شيطان کو علامتی طور پر پتھر مارنے کے بعد جانوروں کی قربانی کی جاتی ہے۔ وادئ منیٰ میں سکیورٹی کے خصوصی انتظامات کیے گئے ہیں۔ دو برس قبل اسی وادی میں بھگدڑ پھیلنے سے ڈھائی ہزار کے قریب حاجی ہلاک ہو گئے تھے۔

 سعودی عرب کے علاوہ آج امريکا اور يورپ ميں بھی عیدالضحیٰ منائی جاری ہے۔ اس سلسلے ميں تمام تقريباً امريکی اور يورپی شہروں ميں مسلمان کميونٹی کے ارکان نے صبح کے وقت عيد کی نماز ادا کی اور ديگر فرائض انجام ديے۔

اسی طرح متحدہ عرب امارات کی شيخ زید گرينڈ مسجد ميں بھی ہزاروں افراد عيد کی نماز کے ليے جمع ہوئے۔ قبل ازيں انڈونيشيا اور فلپائن ميں بھی آج سے عيد کی تقريبات کا آغاز ہو چکا ہے۔ پاکستان ميں عیدالضحیٰ کل سے شروع ہو گی۔

DW.COM