1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

القاعدہ نے بن لادن کی موت کی تصديق کر دی

دہشت گرد تنظيم القاعدہ نے آج جمعہ کو اپنے انٹرنيٹ پر شائع ہونے والے ايک پيغام ميں اسامہ بن لادن کی موت کی تصديق کر دی ہے۔ اس پيغام ميں القاعدہ نے پاکستان سميت امريکہ کے اتحاديوں سے انتقام لينے کی دھمکی بھی دی ہے۔

ايبٹ آباد ميں بن لادن کی رہائش گاہ

ايبٹ آباد ميں بن لادن کی رہائش گاہ

امريکی صدر اوباما کی طرف سے اسامہ بن لادن کی موت کے اعلان کے پانچ دن بعد القاعدہ نے بن لادن کی موت کی تصديق کرتے ہوئے يہ بھی کہا ہے کہ يہ ايک تاريخی لمحہ ہے۔ اُس نے مسلح جدو جہد ترک نہ کرنے کا عہد بھی کيا۔

بن لادن کے کمپاؤنڈ سے شعلے بلند ہو رہے ہيں

بن لادن کے کمپاؤنڈ سے شعلے بلند ہو رہے ہيں

القاعدہ کے انٹر نيٹ پيغام ميں کہا گيا ہے: ’’عظيم مسلم امت کے ليے اس تاريخی دن مجاہد شيخ ابو عبداللہ، اسامہ بن محمد بن لادن اُس راہ پر ہلاک کرديے گئے، جس پر اُن سے پہلے بھی لوگ چلے تھے اور آئندہ بھی چليں گے۔ اسلامی امت کو اُس کے فرزند اسامہ کی شہادت پرمبارکباد۔‘‘

القاعدہ نے کہا ہے کہ وہ عن قريب ايک آڈيو ٹيپ بھی جاری کرے گی، جو بن لادن نے اپنی موت سے ايک ہفتے قبل تيار کيا تھا۔ اسلامی انٹر نيٹ ویب سائٹوں پر شائع ہونے والے پيغام ميں القاعدہ نے يہ بھی کہا ہے: ’’اللہ کی اجازت سے يہ ايک لعنت ہے، جو ہميشہ امريکيوں اور ان کے ساتھيوں کا ان کے ملک کے اندر اور باہر پيچھا کرتی رہے گی۔ اُن کی خوشی غم ميں تبديل ہو جائے گی اور اُن کا خون اُن کے آنسؤوں ميں مل جائے گا۔‘‘

القاعدہ کے پيغام ميں امريکہ سے يہ بھی کہا گيا ہے کہ وہ بن لادن اور دوسرے ہلاک شدگان کے جسموں کے ساتھ احتياط سے کام لے اور اُنہيں ان کے خاندانوں کو واپس کردے۔ اُس نے دھمکی دی ہے: ’’اگر تم نے ايسا نہيں کيا تو مصيبت کے دروازے تم ہی پر کھل جائيں گے۔‘‘

رپورٹ: شہاب احمد صدیقی
ادارت: امتیاز احمد

DW.COM