1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

افغانستان : نیٹو کے فوجی قافلے پر حملہ

مقامی ٹی چینل کے مطابق پاکستانی سرحد سے متصل افغان صوبہ خوست میں نیٹو قافلے پر بم حملے میں دو امریکی فوجی ہلاک ہوگئے جب کہ ایک زخمی ہوا۔

default

افغانستان میں عسکریت پسندوں کی جانب سے مسلسل حملے دیکھے جا رہے ہیں

کابل میں نیٹو حکام نے منگل کے روز مشرقی افغان علاقے میں پیش آنے والے اس حملے کی تصدیق کر دی ہے تاہم نیٹو حکام کا کہنا ہے کہ اس واقعے کی تفصیلات فی الحال معلوم نہیں ہیں۔

یہ حملہ صوبہ خوست میں قائم نیٹو افواج کے ایک بیس کے قریب پیش آیا۔ مشرقی افغانستان میں تعینات بڑی تعداد امریکی فوجیوں کی ہے۔ ایک مقامی رہائشی کا کہنا تھا :’’ یہاں سے تین فوجیوں کو لے جایا گیا ہے۔مجھے معلوم نہیں وہ ہلاک تھے یا زخمی۔‘‘

فی الحال طالبان سمیت کسی گروپ یا تنظیم نے اس حملے کی ذمہ داری قبول نہیں کی تاہم خیال ظاہر کیا جا رہا ہے کہ نیٹو فوجیوں پر یہ حملہ طالبان کی جانب سے جاری عسکریت پسند کارروائیوں کا ہی تسلسل ہو سکتا ہے۔