1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

افغانستان میں ’بھگوڑے‘ امریکی فوجی کا کورٹ مارشل؟

امریکی فوج کے سارجنٹ بووی بیرگڈال کے خلاف اپنی ڈیوٹی چھوڑنے پر ایک فوجی عدالت میں مقدمہ چلانے یا نہ چلانے کے حوالے سے کارروائی جمعرات سے امریکا میں شروع ہو رہی ہے۔ وہ 2009ء میں لاپتہ ہو گیا تھا۔

Afghanistan USA Soldat Bowe Bergdahl

امریکی فوج کا سارجنٹ بووی بیرگڈال

ہیوسٹن سے نیوز ایجنسی ایسوسی ایٹڈ پریس کی ایک رپورٹ کے مطابق جمعرات سترہ ستمبر کی کارروائی امریکی ریاست ٹیکساس کے شہر سینٹ انتونیو میں فورٹ سیم ہیوسٹن کے مقام پر ہو رہی ہے۔ بیرگڈال کے وکلاء کے مطابق اس کارروائی کے دوران اُن حالات پر سے پردہ اٹھے گا، جن میں 2009ء میں بیرگڈال لاپتہ ہو گیا تھا۔

قانونی ماہرین کی توقعات کے مطابق بیرگڈال کے وکلاء جمعرات کی سماعت کے دوران یہ دلیل دیں گے کہ بیرگڈال کئی سال تک طالبان کی قید میں رہا اور اُس کے لیے یہی سزا کافی تھی۔

گزشتہ سال افغانستان سے امریکا لوٹنے کے بعد سے بووی بیرگڈال فورٹ سیم ہیوسٹن میں ہی تعینات ہے اور یہیں اس امر کا تعین کیا جائے گا کہ کیا اپنی ڈیوٹی چھوڑ کر لاپتہ ہو جانے والے اس امریکی فوجی کا کورٹ مارشل کیا جائے یا نہیں۔

بیرگڈال جنوب مشرقی افغانستان میں اپنی تعیناتی کے دوران تیس جون 2009ء کو لاپتہ ہو گیا تھا۔ لاپتہ ہونے سے پہلے اُس نے افغانستان میں جنگ کی مخالفت کی تھی اور اس میں اپنے کردار کے حوالے سے ناپسندیدگی کا اظہار کیا تھا۔

بیرگڈہل کے وکیل یوجین فِڈل نے فوج کے اندر ہونے والی تحقیقات کا حوالہ دیتے ہوئے کہا کہ اُس کے مؤکل نے اپنی ڈیوٹی چھوڑی تھی، فوج نہیں۔ مزید یہ کہ اُس کا مقصد قریبی جنرل آفیسر کو اپنے اُن خیالات سے آگاہ کرنا تھا، جو اُسے پریشان کر رہے تھے۔

Bowe Bergdahl US Soldat Austausch in Afghanistan

چار جون 2014ء کی اس تصویر میں افغان سرحد پر طالبان کی طرف سے امریکی فوجی بووی بیرگڈال کی رہائی عمل میں آ رہی ہے

جیسے ہی بیرگڈال اپنی ڈیوٹی چھوڑ کر نکلا، وہ طالبان کے ہتھے چڑھ گیا، جنہوں نے اُسے پانچ سال تک اپنی قید میں رکھا اور پھر کیوبا میں امریکی حراستی مرکز گوانتاناموبے میں قید پانچ طالبان کمانڈروں کے بدلے میں رہا کیا۔

اُنتیس سالہ بیرگڈال پر اس سال مارچ میں فوج چھوڑ کر بھاگنے اور دشمن کے سامنے غلط طرزِ عمل اختیار کرنے کے الزامات عائد کیے گئے تھے، جس میں اُسے فوج کی جیل میں عمر قید کی سزا بھی ہو سکتی ہے۔ بیرگڈال کو بے توقیری کے ساتھ فوج کی ملازمت سے نکالا بھی جا سکتا ہے اور اِس میں اُس کی تنزلی بھی ہو سکتی ہے۔