1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

اسپین یورو کپ فٹ بال کے کوارٹرفائنل میں، یونان مقابلوں سے خارج

یورپی فٹ بال چیمپئین شپ کے گروپ ڈی کے ہفتہ کی رات ہونے والے دو میچوں میں اسپین کا مقابلہ سویڈن سے تھا اوروفاق روس کا مقابلہ یونان سے۔ اسپین نے سویڈن کو ایک کے مقابلے میں دوگول سے ہرادیا۔

default

ہسپانوی ٹیم نے فیصلہ کن گول کھیل کے بالکل آخری منٹ میں کیا

موجودہ یورپی چیمپئین ٹیم یونان کوجو ان مقابلوں میں اپنے اعزاز کا دفاع کررہی تھی، روس کے ہاتھوں صفر کے مقابلے میں ایک گول سے ناکامی کا سامنا کرناپڑا۔ یوں اس گروپ سے اسپین کی ٹیم نے کوارٹر فائنل کے لئے کوالیفائی کرلیا ہے حالانکہ اسے اپنا ایک گروپ میچ ابھی کھیلنا ہے۔ دوسری طرف یونان کی ٹیم جو اپنے اب تک کے دونوں میچ ہار چکی ہے، ابتدائی راؤنڈ کے اختتام پران مقابلوں سے یقینی طور پر خارج ہو جائے گی۔

آج اتوار کی رات یورو کپ 2008 کےگروپ اے کے آخری دو میچوں میں سوئٹزرلینڈ میں ترکی کا مقابلہ چیک جمہوریہ سے اورمیزبان ملک سوئٹزرلینڈ کا میچ پرتگال سے ہوگا۔