1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

اسلام آباد میں لانگ مارچ کے شرکاء سے رہنماؤں کا خطاب صبح تک

گذشتہ برس نومبر میں صدر پرویز مشرف کی طرف سے معزول کئے گئے ججوں کی بحالی کے لئے پاکستان بھر سے لانگ مارچ کے شرکاء سے سیاسی اور وکلاء رہنماؤں کا خطاب ہفتہ کی صبح تک جاری رہا۔

default

نواز شریف کا مطالبہ: ججوں کی بحالی اور صدر کا محاسبہ

اس مارچ کے ہزاروں شرکاء 30 گھنٹے سے بھی زائد کےسفر کے بعد جمعہ کی شب آدھی رات کے بعد لاہور سے اسلام آباد پہنچے تھے۔ بعد ازاں وفاقی پارلیمان سے چند سو میٹر کے فاصلے پر ہزار ہا مظاہرین کے مجمعے سے کئی رہنماؤں نے خطاب کیا جن میں پاکستان مسلم لیگ نون کے رہنما اور سابق وزیر اعظم نواز شریف اور سپریم کورٹ بار ایسوسیایشن کے صدر اعتزاز احسن بھی شامل تھے۔

لا نگ مارچ کے شرکاء کی مرکزی ریلی کئی گھنٹے تک جاری رہی اور مقررین کی تقریریں بھی ہفتہ کی صبح فجر کی اذان کے بعد تک جاری رہیں۔ معزول ججوں کی بحالی کے حق میں اور صدر پرویز مشرف کے خلاف اس عوامی اجتماع میں ہمارے ساتھی شکور رحیم بھی موجود تھے جن کے ساتھ ایک انٹرویو میں اہم مقررین کی تقریروں کےکچھ ہی دیر بعد مقبول ملک نے یہ جاننا چاہا کہ ان رہنماؤں کا پیغام کیا تھا۔