1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

اسلام آباد میں اسپین کے سفارتکار کی مبینہ ’خود کشی‘

پاکستان کے دارالحکومت کے ایک پر تعیش علاقے میں ایک ہسپانوی سفارت کار مردہ حالت میں پائے گئے ہیں۔ پاکستان کی انتظامیہ کا کہنا ہے کہ یہ مبینہ طور پر خودکشی کا واقعہ دکھائی دیتا ہے۔

نیوز ایجنسی اے پی کی رپورٹ کے مطابق ساٹھ سالہ خوان خوزے خِینر اسپین کے سفارت خانے میں قونصلر کے عہدے پر تعینات تھے۔ پولیس افسر افتخار چٹھہ نے اے پی کو بتایا کہ ان کے ملازم نے بیڈ روم میں ان کی لاش کو پستول کے ساتھ دیکھا تھا۔

اسلام آباد کے سرکاری ہسپتال کے ایک ڈاکٹر کا کہنا ہے کہ وہ پستول کی گولی سے ہلاک ہوئے ہیں لیکن یہ صرف اٹاپسی یا پوسٹ مارٹم کے بعد ہی بتایا جا سکتا ہے کہ آیا یہ خودکشی تھی یا نہیں۔

اسپین کے سفارتخانے نے اس بارے میں ابھی تک کوئی بیان جاری نہیں کیا۔ پولیس افسر افتخار چٹھہ کا کہنا ہے کہ کہ اسپین کے سفارتخانے کو خوان خوزے خِینر کی موت کی اطلاع دے دی ہے اور سفارتخانے کے اہلکاروں نے ان کے گھر کا دورہ بھی کر لیا ہے۔