1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

اسلام آباد اور بیجنگ کے درمیان نئے اہم معاہدے

پاکستانی حکومت کے مطابق پاکستان اور چین  نے آج پانچ سو ملین ڈالر کے نئے معاہدوں پر دستخط کیے ہیں۔ یہ معاہدے ’ون بیلٹ ون روڈ اِنیشی ایٹو‘ نامی چینی منصوبے پر ہونے والے بین الاقوامی اجلاس سے محض ایک روز قبل طے پائے ہیں۔

Staatsbesuch Pakistan Premier Nawaz Sharif und Xi Jinping (Reuters)

نواز شریف بیجنگ میں ہونے والے ایک سربراہی اجلاس میں شرکت کے لیے گزشتہ روز چین پہنچے تھے

مفاہمتی یادداشتوں میں اُن 57 بلین ڈالر کو بھی شامل کیا گیا ہے جو پاک چین اقتصادی راہداری کے مختلف منصوبوں کے لیے مختص کیے گئے ہیں۔ ان میں سے ایک منصوبے کے تحت چین کو بذریعہ سڑک اور ریل گوادر سے ملایا جائے گا۔

یہ معاہدے پاکستانی وزیرِاعظم نواز شریف اور چینی صدر شی جن پنگ کے درمیان ایک ملاقات کے بعد طے پائے۔ نواز شریف بیجنگ میں ہونے والے ایک سربراہی اجلاس میں شرکت کے لیے گزشتہ روز چین پہنچے تھے۔ توقع ہے کہ اس اجلاس میں انتیس ممالک کے رہنما شرکت کریں گے۔ اجلاس میں باہمی تجارتی روابط کو مزید وسعت دینے کے موضوع پر بات چیت کی جائے گی۔

 مندوبین اتوار کے روز سے شروع ہونے والے اس اجلاس کے مختلف سیشنز میں تجارت اور اقتصادیات سمیت  مختلف موضوعات پر مزید تفصیل سے گفتگو کریں گے ۔

 پاکستان کے سرکاری خبر رساں ادارے اے پی پی کے مطابق ملکی وزیر اعظم نواز شریف نے آج بروز ہفتہ چینی صدر شی جن پنگ سے ملاقات میں کہا، ’’پاک چین اقتصادی راہداری آپ کے ون روڈ ون بییلٹ منصوبے کا ایک اہم جزو ہے۔‘‘ 

DW.COM

Audios and videos on the topic